E scol a caba di ricibi un facelift sumamente necesario di e resort, y su murayanan cu nan verf fresco y tereno bunita drecha a ricibi e Minister di Educacion, Miembronan di e Hunta di Directiva di La Cabana y prensa local pa un programa educacional diverso.
Den transcurso di e ultimo añanan aki, La Cabana Beach Resort & Casino a adopta e scol, asumiendo e responsabilidad pa su mantencion y cuido. E trabou a wordo haci pa e departamento di ingenieria y e boluntarionan di e resort su Eagle Team, cu materialnan y recursonan for di companianan local manera Arince Interiors, AMC Unicon, Manuel Villeros General Contractor, Sherwin Williams verf y mas.
Un di e maestronan, Patricia Cijntje, originalmente a aserca e resort pa pidi nan ayudo cu un proyecto di klas. Ora cu nan a puntr’e tocante e situacion di e scol, el a comparti su preocupacionnan pa loke ta e facilidad su estado deplorable di mantencion y cuido. La Cabana Beach Resort & Casino a scucha y, siguiendo un evaluacion extensivo encabesa pa ingenieronan Stanley de Cuba, Nicolaas Gei y Errol Tromp, nan a dicidi cu en berdad, tabatin hopi trabou rekeri, y miho cu tur cos, e no tabata nada cu nan no lo por a haci.
Den colaboracion cu varios compania y asociado arma cu verf, kwashi y basora, e resort a encarga su mes cu e mehoracionnan fisico di e scol, determina pa drecha e situacion.
Aki por mira e ceremonia di Dia Mundial di Turismo na e gimnasio refresca di Hilario Angela, cu presencia di studiantenan y maestronan. Siguiendo e cantamento di e himno nacional, e Minister di Education y Studiante di Bida Largo Michelle Hooyboer-Winklaar a urgi e studiantenan pa mantene nan scol den un bon estado di cuido, y el a desea nan un aña academico exitoso, den un ambiente briyante y positivo. Tambe el a elogia e resort pa e hecho cu nan a adopta e scol den e spirito di yuda nos comunidad, cual ta e tema di e Dia Mundial di Turismo pa e aña aki.
Director di scol Connie Aventurin-Connor a expresa e gratitud di e scol y a premia e sponsornan cu certificadonan di aprecio pa gradici nan pa nan interes y gesto.
Despues di un programa cortico guia pa Ena Vrolijk di e resort, cu contribucionnan di ehecutivonan di e resort Pierre Kock y Aichel Lynch, e muchanan a disfruta di hotdogs, Dino Jump di Disney Recreations, pintamento di cara, blaas, un payaso, popcorn y coi bebe.
Hilario Angela College na San Nicolas ta situa den un bario cu menos recurso, y ta luchando pa mantene educacion y cuido di alta calidad pa e studiantenan, apesar di reduccionnan den presupuesto y dificultadnan economico. No por ni calcula e contribucion di La Cabana Beach Resort & Casino, e director di scol Aventurin-Connor a bisa.
Palabranan di gratitud sincero ta bai na e siguiente companianan pa nan colaboracion, yudando e scol logra un miho estado pa e aña escolar di 2014-2015: UNICON, Ronald in het Veld; MANUEL VILLEROS CONTRACTOR, Manuel Villeros; SHERWIN WILLIAMS, Ernst Mohamed; ARINCE, Fabio Kelly. Cornelia Aventurin-Connor, Tricia Cijntje, Nicolaas Gei, Errol Tromp, e ekipo di Maintenance y hefe chief Stanley de Cuba. Pierre Kock, Director di F&B. E Eagle Team, dedica na e tema di Turismo y Desaroyo Comunitario, cu presidente Aichel Lynch. Entretenimento di Disney Recreations. E ekipo di F&B cu e stagiairenan di EPI for di e sector di Hospitalidad y Turismo. Gerente General Joe Najjar.
