e proyecto Tribi Soña y e pelicula ‘Abo So’ AVI ta introduciendo un proyecto nobo pa
e hobennan unda nan por tin acceso permanente na un plataforma creativo, cultural y
educacional.
AVI ta conoci pa su excelencia den carga proyectonan grandi. Durante su 5 aña AVI a
organisa diferente tayernan, projectonan y presentacionnan. E fundacion ta conta cu 15
participacion na festivalnan di cine internacional obteniendo 5 premio pa miho pelicula y
diferente nominacionnan.
E aña aki e AVI ta expande su metanan y su servicionan na beneficio di e sector educativo,
creativo, cultural y social. E fundacion ta mas cu djis traha pelicula, e fundacion ta provee
tambe guia educacional, desaroyo di talento, entrenamento profesional, un plataforma
artistico, talent showcase, participacion cultural, promocion di cultura, interaccion social,
conscientisacion social.
Pa fundacion AVI hubentud semper ta central, pa es motibo AVI ta introduciento un club
hubenil. The Young Outcast Club ‘YO’ ta un club creativo multidisciplinario cu e focus
principal riba film y new media.
E participantenan lo ricibi tayernan di actuacion pa camera, con pa traha pelicula y otro
tayernan adicional en conexion cu proyectonan di AVI menera peliculanan original. Ademas
e participantenan lo ta e protagonistanan y creadornan di contenido pa nan canal online di
Yo Club.
E club ta dividi den tres grupo cu ta hobennan di 12 pa 14 aña, hobennan di 15 pa 17
aña y hobennan di 18 pa 21 aña. E participantenan lo topa tur diasabra na e centro di
AVI pa tayernan y otro actividadnan. E mentor di e club ta e cineasta Juan Francisco
Pardo galardona pa su reciente peliculanan. Registracion ta posibel te cu 28 di februari
y e proyecto ta inicia dia 07 di maart. Pa registra y ricibi mas informacion bishita
www.audiovisualinstitute.com of yama señor Pardo na 566-2529.
