YRAUSQUIN A HIBA MIEMBRONAN DI PRENSA RIBA UN TEST DRIVE DI E FORD FIGO

Compania di auto Yrausquin, dealer oficial di Ford na Aruba, a organisa un evento di test drive especialmente pa miembronan di prensa. Despues cu Christina Yrausquin, Ford Brand Manager y Gerente di Benta, a jama bon bini na tur presente ela splika e bentahanan di e Figo pa nan conoce e auto miho prome cu nan bai test drive esaki. E sales team tambe tawata presente pa asisti y duna e miembronan di prensa un demonstrashon prome cu nan subi den e Figo pa bai test drive. Principalmente a enfoca riba e safety features, e comodidad di e stoelnan, e espacio impresionante di e ‘legroom’ pa e pasaheronan sinta patras, como tambe e eficiencia di combustible. E Ford Figo tin e “Best-in-class fuel economy” cu un uzo di gasolin impresionante di 17 km pa liter. Ademas lokual a impresiona algun miembronan di prensa ta e bon sonido di e ‘sound system’ y con facil e ta pa bo conecta bo telefon cu ‘bluetooth’ pa toka bo canticanan favarito of pa haci jamadanan ‘handsfree’. E Figo lo ta obtenibel pa test drive pa publico tambe y e representantenan di benta di Yrausquin lo ta disponibel pa juda cu kualkier pregunta of aplicación pa banco. Pa mas información bishita www.yrausquin.com of subi nan Facebook na www.facebook.com/yrausquinandsons. Ademas por pasa libremente na Yrausquin situa na L.G. Smith Boulevard 112 of jama na 524 44 44 pa abo tambe test drive e Figo nobo.