Durante e siman prome cu Dia di Mama, e Trop Club & Casino ta yudando miembronan malcria nan mes of nan sernan stima cu un armband fabuloso di diamante. E promocion di regalo briyante tabata habri na tur hungador di slot cu tabatin nan carchi di Trop Advantage, y e tabata facil pa sigui y participa.
For di dia 1 pa dia 10 di Mei, hungadornan di slot ta ricibiendo un regalo pa cada 250 punto cu nan ta gana hungando e slotnan. Miembronan cu tin e carchi di Trop Advantage mester percura cu nan tin nan carchi hinca den e mashin prome cu nan cuminsa hunga, pa asina nan por colecta nan puntonan y consecuentemente nan regalo na e Advantage Booth, mientras cu tin den stock. Wilfred Trimon, e Director di e Casino, ta raporta cu e casino tambe ta preparando pa un dia di mama festivo cu un cantidad di promocion.
Riba dia 11 di Mei, Dia di Mama, na cuminsamento di cada ora, e casino lo saca nomber di un miembro di e Trop Advantage Card, pa un pakete fabuloso di resort, cual ta inclui un estadia di hotel di dos anochi, cena pa dos, carchi di regalo di spa/salon y un boeket di flor.
Adicionalmente, cada mei ora, $100 lo wordo parti durante e Free Slot Play, cual lo wordo premia na cinco dama cu suerte. Pa cualifica pa e dushi premionan riba Dia di Mama, bishitantenan mester gana 25 pinto cu nan carchi di Trop Advantage riba Dia di Mama, prome cu e sorteonan cuminsa.
E Trop Club and Casino a organisa hopi promocion spectacular y den e ultimo aña aki a entretene hungadornan di slot mashin y mesa cu hopi diferente evento di dia di fiesta, manera Dia di San Valentin y Diadomingo di Pasco Grandi, djis pa nombra algun, recientemente agregando Dia di Mama na e lista di promocion estelar.
