LATIN PROMO EA GROUP

Top Modelonan “Latin Angels Special” lo bin graba na Aruba


Un show cu ta pasando na varios canal rond mundo, cu ta centraliza riba muhernan latino sexy, lo ta na Aruba tambe! “Latin Angels Special” cu nan forma special di conoce mundo, lo hibabo na e lugarnan mas increible y exclusivo den man di e muhernan latino mas bunita di planeta. Den cada episodio di mey ora, lo bo mira con e Top Modelonan aki ta pose den trahe di baño den lugarnan mas exotico na mundo. For di Bogota te na Paris, for di Galapagos te na Ibiza, di Canaima te na Aruba, “Latin Angels” y su dos anfitrionan lo hincabo den e maraviyanan di mundo, viahando den e halanan di un Angel cu ta ponebo soña cu bo proximo destino. “Latin Angels Special” ta aworaki den aire via canal Fox Traveller (India-Asia), DirecTV Latin America, Rustavi2 (Georgia), Playboy TV (Hong Kong y Thailandia), Meridiano TV (Venezuela), Panama +23, y Netflix Latinoamerica. Entrate e luna aki, e episodionan lo pasa tambe na CityTV (Colombia), LATV (Merca), MTV3 (Merca), Sky (Mexico), AXN (Europa Oriental), y e cruseronan di Norwegian Cruise Lines cu ta sali di Miami. Bo por hasta download e App di “Latin Angels Special” pa smartphones, y aki bo por download e musica di e programa, y bo por mira episodioanan via bo mobile. E ta disponible pa Android y Blackberry. Nan lo ta na Aruba entrante Diaberna awor, y lo tin un programa druk pa haci grabacion rond di e isla. Nana lo keda aki te dia 1 di Mei.