Rancho/Oranjestad – Den luna di mei a cuminsa cu Tayer di Tambu na Centro di Actividad Rancho. Pa medio di e proyecto Aire Liber a organisa 8 les basico di Tambu. Enfocando riba e historia, origen y ritmo di Tambu di Aruba y otro parti di mundo.
Den e ultimo siman nan diferente artistanan local, tocado y baylado di tambu manera Sr. Vicente Ras, Angelo Koolman, Lidrick Solognier y Romo Fingal, a comparti nan conocimento cu e participantenan. Bou di giua di Ivan Barerra (WorldBeatRecord) e grupo di total 12 persona a
wordo educa riba musica y herencia di tambu. Lesnan tabata existi di practica y historia oral. A hasi uso di material audiovisual pa concientisa y informa e participante nan riba e thema.
Clausura
Awor e tayer a yega na su fase final, y e grupo ta bai presenta e canticanan cu nan a siña. E presentacion aki ta tuma lugar diasabra 22 di juni, pa 4or di atardi na Museo Archeologico Aruba. Esaki ta ceda den Schelpstraat 42, Oranjestad Aruba. Biblioteca Nacional Aruba lo graba y documenta e presentacion aki pa despues esaki wordo publica riba e website di Stichting
Rancho.
Comunidad di Aruba ta ceda invita pa bin apoya e participantenan, durante nan presentacion. Y na e manera aki sostene un otro proyecto importante pa locual ta conservacion di herencia y cultura di Aruba. Exposicion di “Caribbean Ties” tambe lo ta habri pa 4or di merdia. Pa 4:20 PM lo
cuminsa cu e presentacion nan y tocamento di tambu den e Fruteria di museo acompaña pa grupo di Tambu “Sodo di Cuero” cu tambe lo duna nan presentacion. E actividad lo termina cu entregamento di certificado.
Continuacion
E proyecto aki sigur no a yega na su final. Stichting Rancho ta desea di organisa mas tayernan di tambu conhuntamento cu organisacionnan local. Pa acelera e proceso di coleccionamento pa e
no bai perdi.Ta importante pa duna tambu su lugar den e den musica di tradicional y moderno na Aruba. Den e contexto di decolonisacion di nos pais, awor ta mas cu tempo pa e generacionnan cu ta bin cuminsa compronde di e historia di tambu na Aruba.
Aire Liber: Tayer di Tambu ta wordo hasi posibel cu co-financiamento di Samenwerkende Fondsen y Cede Aruba. Tambe cu apoyo y sosten di WorldBeatRecords, Biblioteca Nacional Aruba y Museo Archeologico Aruba.
Abo por tin mas informacion?
Pa medio di Tayer di Tambu Fundacion Rancho a colecta hopi informacion oral tocante Tambu di Aruba. Pero ainda falta mas hende pa conta nan storia, specialmente riba gruponan of persona nan cu tabata toca tambu na Aruba. Si bo tin informacion pa comparti? Por tuma contacto cu nos
ta stichtingrancho@gmail.com of bel +297 562 8352.
