Biblioteca Nacional Aruba ta invita tur 60-plus pa un Tablet Cafe, diaranson dia 1e di
october. Riba e dia aki hende riba 60 aña cu tin interes pa e mundo digital of kier haya mas
conocemento di esaki por haya un demostracion di Social Media y e diferente tipo di Tablets,
e.o. features di Ipad, Iphone, Tablet y laptop. Lo tin diferente mentor cu ta atende cada
bishitante personalmente. Bishitante 60-plus ta bay biblioteca cu nan propio tablet, Iphone of
otro device.
Diaranson ta dia Internacional di hende grandi. Riba e dia aki ta celebra y honra e miembronan
di comunidad di 55 aña bay ariba. Ta enfoca riba e grupo vital aki y pa percura cu e grupo aki
no ta keda exclui di e metodonan moderno di pasa informacion, biblioteca ta ofrece acceso na
Internet y WIFI gratis pero tambe workshops con pa busca informacion riba Internet. Den Tablet
cafe di diaranson proximo, ta duna demostracion di Social Media manera FaceBook, YouTube,
Blogs, Pinterest, Twitter y Skype. Tambe ta duna guia con pa usa diferente tablets manera un
Ipad y por haci pregunta riba uzo di Iphone. Un team di biblioteca ta warda tur bishitante hunto
cu empleadonan di MIO Aruba.
Dia: Diaranson dia 1 di oktober (Dia di hende grandi)
Lugar: Biblioteca na Playa (Hal) y Sala Diamante y Sala di Exposicion, Sala di computer
Ora: 2 sesion, mainta 9or pa 12or, y atardi di 5or pa 7or.
Online banking
Aruba Bank ta duna 2 workshop di Internetbanking pa 60-plus den sala di computer,
esakinan ta cuminsa 9or y 10or y mey. Y Caribbean Mercantile Bank ta duna un workshop
Internetbanking atardi 5or. Participantenan lo siña con pa haci diferente transaccion financiero
via Internet. Registra di antemano cerca Eveline y yama 582 1580.
