E hotel celebra di Radisson Aruba Resort, Casino & Spa a ricibi un grupo di personalidad di prensa na bispo di e celebracion di Pasco Grandi, sirbiendo AAA Four-Diamond hors d’oeuvres y cocktails, ademas di informacion tocante e resort y su eventonan benidero.
E amabel Nunette Maduro, Radisson su Ehecutivo di Relacion Publico y Comunicacion, a ricibi e dignitarionan na nomber di gerencia, y a comparti e ultimo informacion tocante e festividadnan di Pasco Grandi, festividadnan di Dia di Tera, y varios otro promocion cu ta andando, tambe introduciendo Audrey Wolff, Gerente di Catering & Servicio di Convencion, kende a papia tocante e resort su plannan pa celebracionnan di Santa Comunion y e bruidnan benidero cu lo tuma luga durante e temporada di Lente y Zomer.
Aruba su resort di Gran Dama, cual a completa un proyecto di USD 26 miyon di refrescamento y renobacion aña pasa, ta conta cu 355 camber, parti entre tres toren elegante, cu areanan publico central entre nan. Huespetnan cu ta check in na e resort ta experiencia un sentido nobo di yegada, cu muebles nobo y un area di recepcion den e lobby di aire liber, mirando riba e bistanan magnifico di e lama, playa y piscina, for di e momento cu nan yega.
E decoracionnan bunita den e AAA Four Diamond Sunset Grille Restaurant ta sigui te cu e Mira Solo Martini Bar, cu e meta di maximalisa e experiencia di huespetnan dilanti lama, for di tur angulo.
Entre e miembronan di prensa disfrutando di e hospitalidad legendario di Sunset Grille Restaurant, a figura personalidadnan local di radio, TV y corant, kendenan a wordo malcria cu Lamb Chops prepara perfectamente riba grill, USDA Certified Angus Beef tips, y rolls di sushi colorido y fresco traha, tur prepara den e cushina di exhibicion bou di e wowo skerpi di e resort su artistanan culinario. Miembronan di prensa tambe a disfruta di un rifa cu certificadonan di regalo inespera pero hopi aprecia, pa Larimar Spa y Sunset Grille Restaurant.
Aki por mira algun momento inolvidabel na e recepcion pa prensa y media.
