Studiantenan di IPA cu presentacion y exposicion di Pasantia Internacional

Instituto Pedagogico Arubano (IPA) ta haci un cordial invitacion na henter pueblo di Aruba y muy en special na tur maestro y profesional den e area di educacion pa asisti na e presentacion y exposicion di Pasantia Internacional di e studiantenan di IPA di aña tres. E studiantenan a scoge e aña aki pa un pasantia na Argentina, Merca (Baltimore & New York), Hulanda y Belgica, Spaña (Barcelona) y Costa Rica. E meta principal di e pasantia ta pa e studiantenan conoce cultura y sistema di enseñansa diverso, desaroyo profesional y personal y pa trece innovacion specificamente riba tereno di Desaroyo Sostenibel den ensenañsa na Aruba. Durante nan investigacion a enfoca specificamente riba e asina yama cuater P’s di sostenibilidad segun Nacionnan Uni cual ta “Planet, People, Profit y Participatory Governance.” E presentacion y exposicion di e studiantenan lo tuma luga diamars dia 17 di april na Cosecha San Nicolas y Nicolas Store San Nicolas. Presentacion Luga: Cosecha San Nicolas – mainstreet Grupo 1  6:00 – 6:15 pm Baltimore Grupo 2  6:25 – 6:40 pm Barcelona Grupo 3  6:50 – 7:05 pm Costa Rica Coffee break Grupo 4  7:20 – 7:35 pm Nederland/Belgica Grupo 5  7:45 – 8:00 pm New York Grupo 6  8:10 – 8:25 pm Argentina Grupo 7  8:35 – 8:50 pm Nederland Exposicion Luga: Nicolas Store – Rotonde Orario: 9:00-10:00 pm   Un y tur ta keda cordialmente invita pa asisti na e anochi interesante aki, haya informacion y tende di e experencia di nos futuro maestronan.