Stripped Down First Edition


ORANJESTAD: Diaranson ultimo a tuma lugar e prome edición di “Stripped Down” cual ta un concepto nobo introduci pa Bryan D den su programa “Recharge”.

Bryan a trece dilanti un concepto unico di expone nos talentonan local pa medio di un session di musica acustico durante su programa riba Cool FM 98.9.

E prome invitado durante “Stripped Down” tabata e cantante Jair “Buddylove” Versprey kende ta den e frontline di e banda Buleria.
Buddy a sa di a deleita e oyente nan di Cool FM cu un repertorio unico y a sa di expone su talento cu hopi emocion.

Bryan a clausura su programa invitando e oyentenan pa por keda pendiente pa e di dos session di “Stripped Down” cual lo tuma lugar brevemente.

Sintonisa “Recharge” tur atardi for di 5or di atardi te cu 7or di anochi riba Cool FM 98.9.