SMAC

SMAC TA INFORMA !


Durante di siman a trata diferente reunion pa actividad cu lo mester tuma lugar durante weekend venidero pa actividadnan carnavalesco. Despues cu SMAC a reuni cu e sub comisionan di tanto Prins cu Pancho y tambe e comision di Calypso y Roadmarch Infantil y Hubenil, a haña e petishon for di nan pa por a cambia e dianan mirando cu no lo keda cla. Durante varios ora di reunion a keda dicidi pa organisa tur cos hunto riba un solo dia unda lo hasi un gran evento pa nos muchanan. Dunando oportunidad pa e areglistanan caba cu e cancionan pasobra nos kier pa tur mucha participa; tambe pa nos por mira si mas hoben lo kier participa pa Prins y Pancho. E anja aki premionan pa Prins y Pancho lo ta: infantile awg 500 – tela pa panja – corte na – trofeo y pasashi pa Corsow hubenil awg 500 – tela pa panja – corte na – trofeo y pasashi pa Boneiro grandi awg 750 – tela pa panja – corte na – trofeo y pasashi pa Miami Lo tin oportunidad ainda te cu diabierna atardi, januari 16 2015,pa inscribi hobenan pa Prins y Pancho. Por download e formulario via SMAC su Facebook page of pasa personalmente na e oficina di SMAC. Parada di Ballonnen lo cuminsa diadomingo 18 di januari 2015 pa 2:00 p.m. y lo caba den Carnival Village unda tur mucha cu t-shirt cu a participa den Ballonnen lo drenta gratis den Carnival Village. Aki den lo tin un feria cu ta cuminsa 4:00 p.m. E feria lo bay tin facepainting, gruponan di baile ku información p’e muchanan, gruponan di carnaval unda ta mustra nan trahenan y por inscribi p’e paradanan di mucha, lo bay tin muestra di con ta traha headpiece, Famia Planea cu nan I love my body campanja lo tey, instancianan di deporte pa por bin inscribí y participa na e deportenan desea, lo bay tin muestra di steelpan…e intención ta pa sinja algo for di e festival. Den otro informenan: SMAC kier informa ku Tumberito a hala pa dia 4 di februari, e lo cuminsa 7:00 p.m. y lo ta na Piedra Plat Entertainement Center. Tambe, tur rutanan di Carnaval a keda MESUN COS cu Carnaval 60 cu excepcion di Ballonnen Optocht y Jouve cu lo cuminsa y caba na Carnival Village y Carnaval di Mucha na Playa cu lo drenta Adriaan Lacle Blvd.

Leave a Comment