Prog Jackpot winner

Siegfried Fingal a gana e mega Bingo Jackpot Progresivo di AWG 53.044,89!


The Casino na Radisson a caba di paga un jackpot gigantesco di $53.044.89 na un di su bishitantenan local cu tabatin hopi suerte. Siegfried Fingal a realisa cu el a dal e Bingo Jackpot Progresivo ora cu O-69, e ultimo number cu e tabata falta pa yena su carchi di bingo, a sali como e di 49 number. Fingal tabata sumamente feliz cu su premio di cash, y el a bisa: “Mi tabatin un bon presentimiento cu e jackpot progresivo lo bira di mi. The Casino na Radisson ta unda mi ta bin pa hunga, no tin niun otro caminda di bai cu no ta The casino na Radisson. Fingal tabatin tur su rason, y cuminsando riba dia 20 di November bishitantenan ta invita pa Spin e Jingle Wheel y participa den sorteonan dibertido tur dialuna, diaranson y diahuebs, tumando luga pa 9pm, 10pm y 11pm. E promocion fabuloso di Spin e Jingle Wheel ta sigui te cu dia 22 di December y ta conclui cu un Fiesta di Aprecio di Bishitante cu entretenimento en bibo di 8pm pa 11pm, acompaña pa pasapalo y mimosa. Premionan ta inclui un $200 Shopping Spree na Super Food Plaza y Certificado di Regalo di $100 na Kooyman Home Improvement Store, $300 cash y un Shopping Spree di $50 na Super Food Plaza, y $600 Cash y un Macuto di Pasco fabuloso, balora na $200. No lubida di aplica pa e Player’s Membership Card. E ta gratis y bo por gana punto y premio cada biaha cu bo hunga! Tin dos biaha y tres biaha punto riba slot mashin: dos biaha punto riba dialuna, diaranson y diabierna di 12pm pa 4pm y riba diasabra y diadomingo di 4pm pa 8pm; tres biaha punto riba diamars y diahuebs di 10pm pa 2am. Riba nos portret por mira Siegfried celebrando su bon suerte cu e carchi di bingo ganador y amigonan na The Casino na Radisson.