Despues di hopi deliberacion y reunion , Instituto Medico San
Nicolas, a cera un contract di 2 aña cu Noord Villas N.V. (Wayaca Falls) na Wayaca. Lo adapta
e localidad pa cumpli cu e necesidad nan di e personal di Ambulance.
Nunca antes servicio di Ambulance a conta cu un edificio nobo. E ekipo di profesionalnan di
servicio di Ambulance a adapta e diseño di e localidad y gerencia di Wayaca Falls lo hasi e
cambio nan debidamente. Den luna di Maart lo entrega e localidad na ImSan.
Ta bon pa remarca cu e accesibilidad di Wayaca Fallsta completamente adapta na
e entrada y salida pa e caminda principal.
Servicio di Ambulance ta conta cu 11 vehiculonan 3 pa cada warda E paramedico nan ta duna
assistencia medico ora tin accidente y tambe ta atende e problemanan psicosocial cu ta aumenta
mas y mas riba nos isla.
Cada ambulance ta sali cu un “Ambulance verpleegkundige” specialisa y un Ambulance
chauffeur entrena, cu tin como tarea duna asistencia medico.
Servicio di Ambulance ta existi na Aruba desde aña 1930, pero ta resorta bou di ImSan for
di aña 2005. Nan ta 36 empleado bon prepara y educa dor di Ambulance Academie di
Hardewijk-Hulanda. E ekipo tin un total di 11 ambulance y 2 bicicleta na nan disposicion. Ta
opera for di 3 diferente centro, situa na Wayaca, na ImSan na San Nicolas y tambe na
Schotlandstraat. Anualmente Servicio di Ambulance ta atende un averahe di 7500 yamada, di
cual por lo menos 7000 ta resulta den un transporte.
