September tambe ta un luna cu diferente workshop na Cosecha San Nicolas


ORANJESTAD – Den luna di september Cosecha lo ofrece diferente workshops creativo. Cu e workshopsnan aki Cosecha kier trece mas actividad creativo pa publico.

 

Dia 21 di september tin un workshop tan spera. Pintamento riba tas hunto cu e talentoso Ana Luidens.  Ana ta hopi conoci pa su tasnan di Shoco y lo siña technicanan pa por traha bo mes un tas pa solamente 50 florin di 2pm – 4pm y mester ta 15 aña pa por participa na e workshop aki.

 

Manera ya caba ta hopi conoci e workshop di mosaic no por falta y pesey mes  diabierna atardi 27 di september tin mosaic workshop. Participantenan por traha un shoco cu tegels segun tecnica di mosaic cu e artesano Merveline conhuntamente cu Cosecha ta ofrece cada luna. E famoso shoco aki ta parti di e serie di bestia local y ta un bunita adorno pa tin na cas. E workshop ta di 5pm – 8pm. E prijs pa por participa ta 50 florin y edad pa por participa ta 15 aña bai ariba.

 

Diasabra mainta dia 28 di eptember di 2pm – 5pm lo tin e mandala workshop riba kwihi. Ya caba e workshop aki tin un lista di participante cu ta interesa y ta costa solamente 40 florin pa persona y e ta 10 aña pa ariba. E workshop aki ta perfecto pa bo pasa un atardi relaha y lubida riba e routina di trabow.

 

Tur prijs ta inclui material y algo di bebe. Inscripcion ta necesario y mester hasi e pago pa bo por tin bo cupo segura sea na Cosecha San Nicolas of na Cosecha Oranjestad.

 

Pa mas informacion por tuma contacto cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por manda un e-mail na cosechaworkshop@gmail.com. Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.