Seccion encarga cu Arubalening lo ta cera pa dos dia


Departamento di Enseñansa Aruba (DEA) ta informa cu su seccion encarga cu Arubalening lo ta cera pa publico riba diahuebs 23 di juli y diabierna 24 di juli proximo.
Esaki ta en conexion cu e trabounan di finalisacion di e aplicacionnan pa un Arubalening entrante augustus 2020.

Manera tur aña un grupo grandi ta aplica pa un Arubalening pa cuminsa cu un estudio entrante luna di augustus. E aña aki ta procesando al rededor di 500 aplicacion pa un Arubalening. E
grupo di mas grandi manera tur aña a aplica pa sigui studia na Hulanda, aproximadamente 289 studiante. Tambe ta finalisando 147 aplicacion pa sigui studia na Aruba, sea na UA, IPA of EPI.
Pa Merca y Canada a ricibi 38 aplicacion.

Dialuna dia 27 di juli 2020 e seccion encarga cu Arubalening lo brinda servicio na publico na e orarionan di custumber.

Departamento di Enseñansa Aruba ta pidi disculpa pa cualkier inconveniencia cu esaki por ocasiona y ta gradici pa e comprension.

Mas informacion
Pa mas informacion di Arubalening, e proceso di aplicacion y e diferente deadlines por acudi na website “Enseñansa Aruba” www.ea.aw y busca Arubalening Portal den e alfabet menu riba
e pagina principal. Tambe por sigui DEA via Facebook y Instagram @educationaruba pa informacion y anuncionan importante.


Leave a Comment