Kickball Deporte Escolar Rules

Scolnan basico ta enfrenta otro pa e titulo maximo den KICKBALL


Dialuna dia 12 di mei ta e siman di e final nacional pa e scolnan basico pa e deporte di kickball. Un total di siete scol basico for di e cuater distrito escolar ta enfrenta otro durante henter e siman cual ta organisa pa IBiSA. Den Centro Deportivo Libertador Betico Croes (Sporthall Sta. Cruz) weganan ta start tur dia ya pa 3’or di atardi, cu excepcion di diahuebs cual ta e dia di descanso. E scolnan ta reparti den dos diferente poule. Poule A ta subi cancha riba dialuna. E scolnan cu ta pertenece na e poule aki ta Scol Basico Washington, Colegio Conrado Coronel y Maria Regina School. Poule B ta consisti di e siguiente scolnan: St. Aloysius School, Princes Amalia Basisschool, Scol Cacique Macuarima y St. Paulus School. Poule B ta subi cancha riba diamars y diaranson. Diabierna ta e dia cu e mihor dosnan di cada poule ta bataya otro pa 3’or y 3’or y mey di atardi. Segun schedule e penultimo wega, e bataya pa di e tres y di cuater lugar, ta tuma lugar 4’or di atardi. Pa 4’or y mey di atardi e dos mihor scolnan ta bataya otro pa e titulo maximo den kickball escolar 2014, sigui pa premiacion for di man di nos directora, sra. Monique van Embden. IBiSA ta invita tur fanatico como tambe tur mucha huntu cu nan mayornan pa presencia e weganan final durante henter siman. Na mes momento IBiSA ta desea tur e scolnan cu a yega asina leu pa participa den e final nacional di kickball hopi exito. Un bida activo ta cuminsa for di chiquito, disciplina ta wordo indoctrina durante practica di deporte. Scolnan cu ta participa na deporte structura ta yuda forma un mucha for di e punto di bista di disciplina y ta yud’e tin un bida activo.