Scol di Pachanga a inaugura su Localidad Nobo

Diabierna 12 di December 2014 Scol di Pachanga a inaugura su localidad nobo cu ta situa na Sero Patrishi 45 banda di Magic Wok Restaurant. Den presencia di prensa, invitado y di tur pachangeros y pachangeras e cinta a wordo corta pa e futuro pachangero y pachangera Jaysley y Oniece Boekhoudt y Bendiciona pa Pastor Toti. Scol di Pachanga ta exsisti pa 15 aña y a wordo crea y dirihi dor Janice y Oslin Boekhoudt kende nan ta e prome pareha di Aruba cu a logra e Campion Mundial di Baile Profesional di Salsa na aña 2002 cu a tuma luga na Orlando Florida. E Scol aki ta consisti di 3 Sala . Sala 1 pa les priva cu ta acomoda 2 pareha, Sala 2 cu ta acomoda 9 pareha y Sala 3 cu ta acomoda 20 pareha Scol di Pachanga ta ofrece un variacion di baile. Folklore e.o Wals, Tumba, Mazourka, etc te cu baile moderno e.o Salsa den diferente estilo, Merenge, Bachata, Cha cha cha, Samba, Zouk Axe Brazilian Fitness, Kizomba y tambe Scol di Pachanga ta ofrece les di baile pa casamento, 15 aña y choreografia pa cualkier baile pa cualkier evento. Scol di Pachanga ta habri di Dialuna pa Diasabra di mainta te cu anochi y tin les pa tur edad ( di 5 aña bai ariba) Pa mas informacion tuma contacto cu Janice na 5621221, Marisol na 5693021 of cu Ceslin na7355583.