BINJA ROMAR 6

Santa Margherita a deleita amantenan di biña na Aruba


Romar Trading Company N.V. a yama sommelier Federico Trost bon bini riba e isla cu un serie di evento diseña pa promove y promove e biñanan di Santa Margherita cu ya caba ta sumamente popular. Riba diamars, Trost a ofrece un evento na Hostaria da Vittorio’s. Ta trata aki di un lunch priva cu a wordo teni na honor di e top empresanan cu ta bende e marca riba e isla. E embahadornan di e marca a ricibi reconocemento special pa nan dedicacion y pasion pa e biñanan di Santa Margherita. Esnan invita a inclui restaurateurnan y miembronan di prensa, kendenan hunto a disfruta di un lunch di cuater plato deliciosamente prepara. E doño di Hostaria Da Vittorio, e chef maestro Vittorio Muscariello y artista di biña Clive Faustin di Romar Trading, a yama nan invitadonan un bon bini caluroso, y mientras cu Vittorio a presenta su platonan di mas delicioso, Clive a keda yena nan glasnan cu e biñanan bon frieu di Santa Margherita, cuminsando cu e Prosecco, sigui pa e Pinot Grigio cu e prome plato y e Chianti Classico cu e plato principal. E menu cuidadosamente planea a inclui Prosciutto di San Daniele acompaña pa figs fresco y melon, sigui pa un pasta Tagliolini fresco cu Clams Italiano, konoflok y azeta di Oleifi extra virgin, 100% Italiano. E plato principal, baby rack of veal sasona cu rosamarino fresco, konoflok y azeta di oleifi, a wordo escolta pa arroz Arborio cushina cu porcini mushrooms fresco y polenta cu truffles preto. E pasaboca, un Torta Gianduia, tabata un delicioso treat di chuculati y hazelnoot. Den e oranan di anochi na e bunita tienda di biña di La Bodega, situa na Gutenbergstraat, e mesun pareha di hosts anima, Federico Trost y artista di biña Clive Faustin a entretene un grupo di comerciante local y experto di biña pa un cena di cuater plato prepara pa e chef Italiano Pietro Mesci, incluyendo un antipasto tradicional di oleifi den azeta, artisjok y peper di peppadew yena cu keshi di cabrito, un prome plato di Risotto Modica cu Chorizo Siciliano, y Filetto di Manzo con Salsa di Mango como plato principal. E miho Tiramisu na mundo a wordo sirbi como e pasaboca. Aki por mira algun momento di dos evento hopi aprecia. E biñero di Santa Margherita ta conta cu ochenta aña di historia “actual,” sinembargo, el a disfruta di mas di dos siglo di actividad comercial den e Veneto! Funda na 1935 pa Count Gaetano Marzotto Jr., el a revoluciona bebemento di biña y a logra di produci Italia su vino faborito! Awendia, e biñanan di Santa Margherita ta conoci pa nan atraccion grandi pa consumidornan y tremendo accesibilidad hunto cu nan ventaha di produccion moderno di biña. Nan ta obtenibel rond di mundo na mas di 70 pais y ta wordo sirbi na Aruba na tur e top restaurantnan. Trost, kende ta un Sommelier Certifica di Biña y e Gerente di Export Manager pa Santa Margherita Wines, tambe lo bini hunto cu e isla su waiternan y bartendernan pa un entrenamento personalisa y priva, pa asina nan por siña mas tocante e arte di biña y ricibi conseho riba e combinacion di cuminda y biña. E bishita lo termina cu un otro tremendo cena di Santa Margherita unda amantenan di biña local lo disfruta di e presencia di Sommelier di Biña Federico Trost na La Trattoria El Faro Blanco.