Rotaract Club of Aruba a inaugura diasabra 27 juni 2020 e hunta di directiva pa aña 2020-2021

E momento importante aki a tuma lugar den presencia di miembronan, coach di e club, Rotarionan, Interactors y famia.   Rotaract ta un organisacion internacional pa hobennan cu ta promove liderazgo, con pa ta un ciudadano responsabel, curasha standard halto di etico den negoshi y promove pas na mundo.  Tin alrededor di 165 mil miembro cu ta forma parti di 7 mil club den 151 pais rond mundo trahando hunto pa “make things happen.”   Rotaract Club of Aruba a wordo crea dia 1 di december 1991 y por conta awe cu 31 miembro activo cu ta bini hunto pa crea un impacto positivo den nos comunidad.   Ora COVID-19 a toca, e la afecta y conecta nos den un manera nunca antes. E club mester a siña adapta na un situacion nobo pa asina yega na yena e necesidad nobo den comunidad, mirando cuanto ja caba a sufri durante e pandemia. Rotaract Club of Aruba ta contento pa por yuda alivia esaki un tiki durante e temponan aki.   E club kier felicita president saliente, Diantha Boekhouwer, pa un aña sobresaliente unda e tabata un lider ehemplar y pa inspira e club pa pensa kico e comunidad di Aruba mas mester y bira e necidad den accion.   Na mes momento, e club ta contento pa anuncia e presidente nobo pa aña 2020- 2021, Tiana de l’ Isle. Tiana ta reconoce e retonan unico cu e aña aki ta trece cune. E ta opta pa mira e retonan aki como oportunidad pa ta creativo y inovativo p’asina por impacto positivo y duradero den nos comunidad. E tema di Rotaract Club of Aruba pa e aña 2020- 2021 ta “Hand in Hand”. E tema aki ta vital y ta tuma un nificacion nobo den e situacion presente. E ta representa e objecto general pa colabora y uni a pesar cu nos diferencianan, p’asina logra nos obheto comun: pa trece caombio positivo, un individual cada bes.   Presidente Tiana ta orguyoso pa presenta e otro miembronan cu ta forma hunto cune e hunta di directive di Rotaract Club of Aruba pa aña 2020-2021: Mr.    Björn Vrolijk –                           Vice President Miss. Melitza Koolman –                    Secretary Miss. Charelle Felix –                          Treasurer Miss. Roslaine Everon –                     Director of Community Service Miss. Katinka van der Putten –         Director of Club Service & Professional Development Miss. Illana Hoffer–                             Director of PR & International Service Mrs. Diantha Boekhouwer–               Immediate Past President   Fundeshi di Rotaract ta “service above self” y bini hunto pa por logra cosnan great. Rotaract Club of Aruba ta ansioso pa sigui cu e espirito aki den e aña nobo.