Ronella Tjin Asjoe-Croes, CEO di ATA

Ronella Tjin Asjoe-Croes: Nos meta ta atrae turistanan di calidad


Un di e puntonan cardinal den e maneho di Aruba Tourism Authority pa e aña aki y pa e añanan cu ta sigui ta pa yega mas cerca di e partnernan den diferente sector riba nos isla. Ta trahando masha di cerca cu hotelnan y esunnan cu ta organisa actividadnan pa turista pero awor a opta pa expande e comunicacion un tiki mas den otro sectornan. “Y esaki mas ta locual ta sosodiendo e siman aki, tres sesion special den cual ATA ta dirigi su mes directamente na otro sectornan cu tambe ta traha diariamente cu turismo. Di e forma aki nos ta duna mas contenido na nos vision pa por traha mas riba hisa calidad di nos producto pa nos por atrae turistanan di calidad tambe”, asina Ronella Tjin Asjoe-Croes, C.E.O. di Aruba Tourism Authority a duna di Diamars mainta a cuminsa cu un sesion special na e sector F&B, esta restaurantnan, cafe y barnan cu ta traha directamente cu turismo, sigui den oranan di atardi pa e sector di “Retail” cu ta e diferente tiendanan. Diaranson mainta e sesionnan a continua, e biaha aki na e sector di transporte, pues car- rentals, taxi, bus, companianan di tour y mas. “Nos a duna hopi informacion, riba e resultadonan cu turismo a produci te cu awor aki y tambe e direccion cu nos lo kier sigui cune den cuadro di nos business-plan pa e proximo 4 añanan”, segun Ronella Tjin Asjoe-Croes a splica. “Tambe nos a trece informacion padilanti di diferente tendencia den otro mercadonan y tambe kico e consumidor ta haya cu ta importante y kico estadisticonan ta bisa nos di e comportacion di e consumidornan, den termino di con nan ta gasta nan placa y unda nan ta Den esaki a splica e participantenan na e sesionnan cu cada consumidor ta bini Aruba pa diferente motibo. Por ehempel, di acuerdo cu e encuestanan haci, pa e turista Brasilero, nos isla ta score masha halto den e segmento di “shopping”, mescos ta conta pa e turista Venezolano. Ambos ta gasta mas di nan placa na haci compras ora nan ta na Aruba. Di otro banda, pa e turista Hulandes, nan ta prefera gasta mas den nan estadia y den comemento for di hotel. E turista Mericano ta gasta mas na su Asina mes tin puntonan di atencion tambe, cu ta inclui e parti di shopping y e falta di cuminda local riba e menu di restaurantnan. E tipo di retonan asina a bini padilanti durante e sesionnan den cual e participantenan a duna nan “feedback” riba con por sigui bay dilanti na un miho manera. Loke tabata clave den tur e sesionnan, tabata e determinacion di Aruba Tourism Authority pa atrae mas turista di calidad, pues cu ta representa un entrada anual di riba 125 of te hasta 150 mil dollar. Esaki ta un grupo di turistanan “afluente” cu sin duda tin mas espacio financiero pa gasta mas ora nan ta di Ta bon pa enfatisa cu historicamente semper Aruba a traha riba e mercado aki caba, esta e turista di calidad cu un bon poder di compra, “Pero nos lo intensiva esaki mas ainda y cada un di e negoshinan cu a participa den e programa aki a mustra nan determinacion pa nos traha hunto pa logra e meta aki”, segun Ronella Tjin Asjoe-Croes a duna di conoce. E ehecutivo di Aruba Tourism Authority a enfatisa cu ta masha necesario pa tur hende cu ta traha sea directamente of indirectamente cu turismo, pa nos traha hunto pa logra alcansa e mercado di turismo di calidad, cu ta bin Aruba pa disfruta, pa haci compras, pa come bon y pasa bon, sin tin problema pa paga. Aruba Tourism Authority lo sigui traha riba nan vision di traha mas di cerca cu tur sector den nos turismo, pa logra e vision di intensiva esfuersonan pa hisa calidad di producto Aruba y hisa e calidad di turistanan cu ta bishita nos isla.

Leave a Comment