Romar Trading Company N.V. a yama sommelier Federico Trost bon bini riba e isla cu un serie di evento diseña pa promove y promove e biñanan di Santa Margherita cu ya caba ta sumamente popular.
Riba su di dos anochi riba e isla, Trost a ofrece un evento na La Trattoria El Faro Blanco, combinando platonan signatura delicioso cu algun di e miho biñanan di Santa Margherita.
E publico elegante a bini hunto den e sala di come y a disfruta di e Insalata Faro Blanco, cu lechuga mescla, almendra, cranberry y appel cu un house dressing, escolta pa Prosecco Santa Margherita. E Pennenette Alla Puttanesca, penne den un saus fresco di marinara cu konoflok, basilicum, oleifi preto y kappertjes, a wordo combina perfectamente cu e Pinot Grigio Santa Margherita bon frieu, y e Bistecca Al Gorgonzola alla Griglia, esta sirloin steak prepara riba grill y sirbi cu un saus di keshi di gorgonzola, cu berdura, a pas bon cu e Chianti Santa Margherita clasico. Pa e pasaboca, e restaurant su famoso Tiramisu sponge cake crea cu espresso, biña di Marsala y rum, cubri cu chuculati y keshi mascarpone Italiano, a yega hunto cu un Santa Margherita Rose.
Nos imagennan ta mustra un anochi hopi disfruta, presenta conhuntamente cu artista di biña Clive Faustin, den colaboracion cu sommelier Federico Trost, Sommelier di Biña Certifica y e Gerente di Export pa e biñanan di Santa Margherita.
E biñero di Santa Margherita ta conta cu ochenta aña di historia “actual,” sinembargo, el a disfruta di mas di dos siglo di actividad comercial den e Veneto!
Funda na 1935 pa Count Gaetano Marzotto Jr., el a revoluciona bebemento di biña y a logra di produci Italia su vino faborito!
Awendia, e biñanan di Santa Margherita ta conoci pa nan atraccion grandi pa consumidornan y tremendo accesibilidad hunto cu nan ventaha di produccion moderno di biña. Nan ta obtenibel rond di mundo na mas di 70 pais y ta wordo sirbi na Aruba na tur e top restaurantnan.
