Na honor di Dia Internacional di Hende Homber, observa na November, e Comision di Medio Ambiente y Salud na La Cabana Beach Resort & Casino a dicidi di cuminsa un iniciativa nobo na nomber di nan asociadonan masculino.
E comision a publica 5 criteria y a pidi e asociadonan di e resort pa nomina nan “Role Model Masculino.”
E candidatonan mester a demostra e siguiente actitudnan: Cla pa Asisti, Semper cu un Sonrisa, Profesional, y den general un Role Model na trabou y den nan comunidad.
Un cantidad di asociado a wordo escohi como nominado, incluyendo Roland Croes, Housekeeping, Manuel Ramos, Nicolas Gei y Efigenio Dania, Engineering, Johnny Kock y Michael DaCosta, Security y Nixon Castillo, Activities, entre nan.
Prome cu nan a anuncia e ganador, un descripcion cortico di loke Dia di Hende Homber ta para pe a wordo comparti cu e nominadonan y e asociadonan presente den e sala di conferencia, durante e evento di Dia di Hende Homber.
E Comision di Medio Ambiente & Salud kier a enfoca riba y salud di hende homber y mucha homber riba e dia aki; mehorando relacionnan entre e sexonan; promoviendo igualdad entre e sexonan y poniendo un luz riba role model masculino positivo.
Dia di Hende Homber, e Comision di Medio Ambiente y Salud a declara, ta un ocasion pa hende homber por celebra nan logronan y contribucionnan na e comunidad, famia, matrimonio y cuido di much, mientras cu nan ta pone un luz riba e discriminacion cu tin contra nan. Dia di Hende Homber ta un oportunidad pa hende tur caminda mustra bon boluntad y aprecio y celebra e hende hombernan den nan bida, ademas di e servicio cu nan ta duna na nos sociedad, pa e bienestar di tur hende.
Mientras cu e nominadonan a warda pa e resultado di e eleccion, nan a wordo sirbi cu un pasaboca delicioso, y nan a ricibi chuculati y streya como parti di un programa di incentivo unda voucher di streya por wordo uza pa haya productonan util.
E ganador general cu a wordo eligi pa ricibi e titulo tan codicia di Homber di Aña pa 2014 tabata Nicolas Gei, di Engineering, kende ta un ehempel di e nivel mas halto di un Role Model excepcional pa su famia, e resort y e comunidad di Aruba. Nicolas ta bisa y haci tur cos di su curason. Ademas di voucher di streya, el a ricibi tambe un plakkaat conmemorativo y un certificado di regalo. Un pabien ta bai na tur e nominadonan y e ganador, Nicolas Gei.
