art rules

RBC Royal Bank Art Rules Aruba ta cuminsa completamente yen


Cuminsando na 2010, e Pancake Gallery Foundation, encabesa pa e rumannan morocho Ira y Ayra Kip, awo ta celebrando nan aniversario di 5 aña di Art Rules Aruba. E programa educacional di arte a mira mas di 600 artista hoben aspirante entre e edad di 13-26, kendenan tur tin un pasion pa e mundo di Arte y e boluntad pa desaroya nan talentonan personal. Desde 2010, Art Rules Aruba a trece mas di 54 artista y maestro internacional for di rond di mundo pa e isla, pa asina nan por duna les di arte den varios disciplina. Cuminsando cu 6 disciplina cinco aña pasa, desde e tempo ey Art Rules a crece pa asina ofrece nuebe disciplina di arte, incluyendo Baile, Teatro, Media Creativo, Moda, DJ, Rap & Poesia, Arte Urbano, Musica & Presentacion y Arte Culinario. Den celebracion di nan lustro, un tayer nobo titula “Art Rules Junior” a wordo agrega na e programa, ofreci specificamente na hobennan entre e edad di 9-12 aña. Presentando e prome programa di arte liberal riba e isla cu lo ofrece hobennan e oportunidad pa experiencia varios disciplina den transcurso di e programa. Pa e programa aki, Art Rules ta treciendo bek e maestro y artista multi talentoso Zanillya Farrell, conoci como un emcee, artista y den e futuro sercano, un graduado di e Fontys School of Arts, Rock Academy. Zanillya tambe ta un maestro pa varios scol y programa cu ta educa arte na hobennan cu ta lucha cu retonan personal. Art Rules Aruba lo cuminsa riba dia 5 di Juli na Cas Di Cultura, cu un block party den aire liber, y sera cu un “Competencia di Purbamento” den colaboracion cu Aruba Marriott riba dia 17 di Juli, introduci pa e Studiantenan di Arte Culinario, sigui pa e vitrina final cu tur studiante na Cas di Cultura riba dia 18 di Juli. Carchi pa e vitrina final lo ta obtenibel for di dia 8 di Juli na Cas di Cultura. Despues di e seramento di e programa, The Pancake Gallery lo haci un transicion rapido pa Corsow, ya cu The Pancake Gallery lo ta lansando Art Rules Curaçao riba dia 21 di Juli. Esaki ta e prome stap pa expande e programa den e region Caribense, cual a bira e meta di su fundadornan. “Contento cu e crecemento di e programa y su exito despues di 5 aña, definitivamente a bira ora pa tuma e siguiente stap pa e fundacion y wak si Art Rules por expande educacion di arte avansa den e region, y no solamente riba e islanan ruman, pero tambe na Surnam, unda e productornan lo ta viahando na augustus pa investiga e posibilidadnan pa Art Rules Paramaribo den e futuro sercano. Pa mas informacion tocante Art Rules, su pasado, presente y futuro noticia, bishita www.artrlulesaruba.com of www.artrulescuracao.com, of sigui e programa riba su plataformanan social via www.facebook.com/artrulesaruba @artrulesU riba twitter y @artrulesflicks riba instagram