RBC Royal Bank Art Rules Aruba ta BEK y celebrando 5 aña!!

E programa educacional di arte cu a causa un furor na Aruba na 2010 awo ta celebrando 5 aña cu un fiesta extravagante di lansamento riba dia 5 di Juli, 2014. Loke a cuminsa como un vision di Ira y Ayra Kip, Fundadornan di Art Rules y directornan di e Pancake Gallery Foundation, a bira e festival di zomer mas grandi na Aruba pa hobennan artistico interesa pa siña mas y explora y entrena nan banda artistico. Cu e ayudo di partnernan fiel manera e Aruba Airport Authority, Art Rules Aruba desde 2010 a entrena mas di 700 individuo, cultivando nan talentonan y habilidadnan artistico. Loke e proyecto a haci ta no solamente trece padilanti e necesidadnan di nos hobennan, pero tambe el a motiva varios hoben Arubiano pa sea sigui cu un estudio den e ramo di arte (actualmente tin mas di 50 alumno di art rules studiando arte den exterior) y a inspira hendenan hoben pa bira profesionalnan hoben den nan ramo. Esaki y otro forma di acto empresarial a permiti asina hopi hende pa sea haya varios trabou como artista independiente of presenta nan arte na e publico den varios diferente manera. For di exhibicionnan pa lansamentonan di album y te hasta un espacio den e skina di pelicula cortica di e Cannes Film Festival na Francia, Art Rules Students ta poniendo metanan grandi pa nan mes y nan ta logrando nan exitosamente! Nan ta mustrando mundo con artistico y talentoso e hubentud di Aruba ta, y con hopi nan tin pa ofrece den e ramo di Arte rond di mundo. Pa e fundadornan di e programa, e ta mustra di ta un mision cu nan a logra exitosamente, sinembargo, “aunke cu nos ta contento cu e resultado, e reto pa nos ta pa ofrece esaki na muchanan tur rond di mundo” segun co-fundador Ayra Kip. Ta e vision aki cu awo a resulta den e expansion di e programa, cu Corsow haciendo su prome debuta di Art Rules Curaçao riba dia 21 di Juli. Lansando e programa na Otro Banda na La Tentashon y Luna Blou, Art Rules Curacao lo cuminsa un tiki mas chikito, ofreciendo 200 hoben aspirante e oportunidad pa traha cu top artista tanto local como internacional pa 2 siman, naturalmente, cu un vitrina final na fin di e programa. Tur dos isla a lansa nan formulario di aplicacion online, y tur dos isla a ricibi mas di 40 aplicacion den e prome siman (faltando 8 siman ainda prome cu e ultimo dia pa aplica). E aña aki, Cas di Cultura lo ta e centro pa Art Rules Aruba y lo sirbi como anfitrion di henter e programa y tur su klasnan y evento pa 2 siman, cu e sosten di su bisiña, esta e Da Vinci Academy. Pa muchanan cu ta biba na San Nicolas, Art Rules un biaha mas lo provee transportacion di bus cu e ayudo di De Palm Tours, pa asina hiba e studiantenan pa e sede di Art Rules tur dia. Si bo ta un amante di Arte, of bo conoce un hende cu ta stima Arte, registra awo pa un di e 250 cuponan cu Art Rules Aruba tin pa ofrece den un di e disciplinanan cu ta inclui DJ, Musica & Presentacion, Baile, Teatro, Arte Culinario, Moda, Media Creativo y e tayer di bonus di e aña aki, esta Art Rules Junior, cual ta un tayer special crea pa hobennan entre 9-12 aña. Pa informacion tocante e ekipo di maestronan di e aña aki, e ultimo desaroyonan, noticia y mas, bishita www.artrulesaruba.com of facebook.com/artrulesaruba. Twitter @artrulesU.