art rules 3

RBC Art Rules Aruba a wordo ricibi entusiasticamente pa su sponsornan y partnernan


Art Rules Aruba, tumando luga na Cas Di Cultura ya pa dos siman, a ricibi sponsornan, partnernan y sostenedornan pa un bishita di cortesia, demostrando e logronan artistico di e studiantenan cu ta participando den varios programa manera DJ, Musica & Presentacion, Baile, Teatro, Arte Culinario, Moda, Media Creativo, y un tayer special titula “Art Rules Junior” pa esnan entre e edad di 9-12 aña. RBC Royal Bank’s Art Rules Aruba a lansa den gran forma, cu un cantidad record di registrante, 270, riba diasabra, 5 di Juli, confirmando cu nos hubentud local ta stima Educacion di Arte! Na 2010, e Pancake Gallery Foundation, encabesa pa e rumannan morocho Ira y Ayra Kip, a cuminsa ofrece un programa di arte educacional durante e lunanan di zomer. E mesun programa aki, awo ta celebrando su di 5 aniversario. Den transcurso di e ultimo cuater añanan, e programa a mira mas di 600 artista hoben aspirante, di cual tur ta hoben local entre e edad di 13 y 26 aña, y kendenan tur tin un pasion pa Arte y e boluntad pa desaroya nan talentonan personal. Desde 2010, Art Rules Aruba a trece mas di 54 artista y maestro internacional for di rond di mundo pa e isla, pa asina nan por duna les di arte den varios disciplina. Cuminsando cu 6 disciplina cinco aña pasa, desde e tempo ey Art Rules a crece pa asina ofrece 9 disciplina di arte e aña aki. Representantenan di RBC Bank, Marriott Aruba Resort & Stellaris Casino, Hertz Rent a Car, Radisson Aruba Resort Casino & Spa, AAA – Aeropuerto Reina Beatrix, SNS Reaal Fonds, Starbucks Coffee, La Cabana Beach Resort & Casino, Playa Linda Beach Resort, Salamander Holdings, Brown Lawyers, De Palm Tours, Insel Air, Prins Bernhard Cultuur fonds, The Hollywood Smokehouse, Kiwanis Club of Palm Beach Aruba, Vibration PR, Jolly Pirates, White Modern Cuisine, Gs*Me*Miss, ALNO Kitchens, e Departamento di Cultura, Marketing Plus NV y otronan hunto a forma e publico orguyoso cu tabata di bishita na e programa riba diamars mainta. Art Rules Aruba lo sera cu un “Competencia di Purbamento” den colaboracion cu Aruba Marriott riba dia 17 di Juli, introduci pa e studiantenan di Arte Culinario, sigui pa e vitrina final di tur studiante na Cas di Cultura riba dia 18 di Juli, cu carchi obtenibel henter e siman aki, y na porta. Despues di e clausura di e programa, The Pancake Gallery lo haci un transicion rapido pa Corsow, ya cu nan lo ta lansando Art Rules Curaçao riba dia 21 di Juli. Esaki ta e prome stap pa expande e programa den e region Caribense, cual a bira e meta pa su fundadornan, kendenan kier avansa educacion di arte tur caminda, incluyendo Surnam, pa un posibel Art Rules Paramaribo den e future sercano. Pa mas informacion tocante Art Rules, su pasado, presente y futuro, bishita www.artrlulesaruba.com of www.artrulescuracao.com of sigui su plataformanan social via www.facebook.com/artrulesaruba @artrulesU riba twitter y @artrulesflicks riba instagram