RBC Royal Bank’s Art Rules Aruba a lansa den gran forma, cu un cantidad record di registrante, 270, riba diasabra, confirmando e amor di nos hubentud local pa Educacion di Arte!
Na 2010, e Pancake Gallery Foundation, encabesa pa e rumannan morocho Ira y Ayra Kip, a cuminsa ofrece un programa di arte educacional durante e lunanan di zomer. E mesun programa aki, Art Rules Aruba, awo ta celebrando su di 5 aniversario.
Den transcurso di e ultimo cuater añanan, e programa a mira mas di 600 artista hoben aspirante entre e edad di 13 y 26, kendenan tur tin un pasion pa e mundo di Arte y e boluntad pa desaroya nan talentonan personal. Desde 2010, Art Rules Aruba a trece mas di 54 artista y maestro internacional for di rond di mundo pa e isla, pa asina nan por duna les di arte den varios disciplina. Cuminsando cu 6 disciplina cinco aña pasa, desde e tempo ey Art Rules a crece pa asina ofrece 9 disciplina di arte, incluyendo Baile, Teatro, Media Creativo, Moda, DJ, Rap & Poesia, Arte Urbano, Musica & Presentacion y Arte Culinario.
Den celebracion di nan lustro, un tayer nobo titula “Art Rules Junior” a wordo agrega na e programa, ofreci specificamente na hobennan entre e edad di 9-12 aña.
Akinan pa presenta e prome programa di arte liberal riba e isla, ofreciendo hobennan e oportunidad pa experiencia varios disciplina den transcurso di e programa, Art Rules Aruba a introduci na e studiantenan e maestronan nobo y maestronan cu a bin bek atrobe, durante un evento riba caya diasabra anochi.
Art Rules Aruba a ranca sali riba dia 5 di Juli na Cas Di Cultura cu un block party den aire liber y un conferencia di prensa, cu musica di brass band, y e presentacion en bibo di e Soul Sisters, un grupo di hoben local talentoso. E Mexican truck a yega pa ofrece cuminda na e studientenan, mayornan y maestronan, cu delicioso tacos y un bolo gigantesco cortedia di Caribbean Bakery Supplies, sirbi como e pasaboca, corta pa e bankero Pierre Raffini y e rumannan Kip.
Sponsornan manera RBC Bank, Marriott Aruba Resort & Stellaris Casino, Hertz Rent a Car y otro tambe a forma parti di e publico orguyoso, yamando Art Rules Aruba bon bini bek riba e isla.
Art Rules Aruba lo sera cu un “Competencia di Purbamento” den colaboracion cu Aruba Marriott riba dia 17 di Juli, introduci pa e Studiantenan di Arte Culinario, sigui pa e vitrina final cu tur studiante na Cas di Cultura riba dia 18 di Juli. Carchi pa e vitrina final lo ta obtenibel for di dia 8 di Juli na Cas di Cultura.
Despues di e seramento di e programa, The Pancake Gallery lo haci un transicion rapido pa Corsow, ya cu The Pancake Gallery lo ta lansando Art Rules Curaçao riba dia 21 di Juli. Esaki ta e prome stap pa expande e programa den e region Caribense, cual a bira e meta di su fundadornan, kendenan ta bogando pa avansa educacion di arte tur caminda, incluyendo Surnam, pa un posibel Art Rules Paramaribo den e futuro sercano.
Pa mas informacion tocante Art Rules, su pasado, presente y futuro noticia, bishita www.artrlulesaruba.com of www.artrulescuracao.com, of sigui e programa riba su plataformanan social via www.facebook.com/artrulesaruba @artrulesU riba twitter y @artrulesflicks riba instagram
