561270_373970049292231_1968552005_n

Proyecto “Siman di Placa Chikito” pa duna muchanan di Aruba Educacion Financiero


Cuminsando dia 9 di Maart Kiwanis Club of Young Professionals Aruba ta start cu un proyecto hopi importante pa e comunidad di Aruba. Ta trata aki di un programa cu lo educa muchanan di scolnan basico riba e topico di placa. E programa ta hiba e nomber di “Placa Chikito” y lo wordo duna por medio di un curso na muchanan di scolnan basico na Aruba. E iniciativa aki a bini despues cu Banco Central di Aruba a publica cifranan alarmante di e estado financiero di casnan na Aruba. Esaki a hasi cu Kiwanis Club of Young Professionals Aruba a dicidi di inverti den un programa di educacion financiero cu por yuda e muchanan pa ta mihor prepara den futuro ora di anda cu placa. E siman di placa chikito mes tin como rol tambe pa por crea un concientisacion nacional pa stimula mayornan pa educa nan yuinan riba e topiconan financiero. Por ehempel: Entrada Propio, Spaar, Gasta Placa y Comparti Placa. E forma con lo yega na tanto e muchanan como e mayornan ta pa duna sesionan cortico na e scolnan basico unda lo educa e muchanan e balor di placa, uso di placa y circulacion di placa. Lo hasi uso di medionan di comunicación tambe pa yega na e comunidad general. Pa por ehecuta e “Siman di Placa Chikito” a ricibi hopi bon colaboracion di e patronisadornan principal cual ta Aruba Bank, Caribbean Mercantile Bank, ENNIA, RBC Royal Bank. Kiwanis Club of Young Profesionals tambe ta hopi agradeci na e sosten di Kiwanis Kiwanis Young Professionals Aruba Young Professionals Aruba ®