Proyecto ‘Samsung Smartschool’ ta un hecho !!


27 di januari 2015: Minister Michelle Hooyboer-Winklaar, encarga cu maneho

di enseñansa, hunto cu representante di Samsung, Silvia Cuevas, a haci apertura awe di Samsung

Classroom na Colegio Bon Bini cu ta comparti nan edificionan cu Scol di Amor.

“Regalo precioso, por ta grandi y chikito. Regalo precioso por ta gratis of costoso. E regalo precioso cu

ta yama educacion. Papa Dios ta debolbe cu masha bendicion. Danki Samsung, awe nos a haya regalo

precioso pa sostene nos educacion, asina bira un smart school” asina e alumnonan di Colegio Bon Bini a

canta pa e representantenan di Samsung y Minister Michelle Hooyboer-Winklaar.

Irena Boekhoudt, maestro y coordinador di Scol di Amor y cabesante di Colegio Bon Bini, Sherissa Tsu,

a duna palabranan di hopi entusiasmo pa e adkisicion aki. “Un docente na IPA a yega di bisa It takes a

community to educate a child”. Y awe nos por confirma esaki.

Colegio Bon Bini a ricibi un smartboard, 31 tablet, e software Samsung School, e instalacion di tecnologia

necesario y e entrenamento, guia y asistencia pa por uza e ekipo for di Samsung Latino America

completamente gratis. Ademas di esaki e scolnan ta haya un ekipo di expertonan cu lo residencia riba e

isla pa duna back up y sigui siña y desaroya e alumnonan.

“Samsung no solamente ta cambia e ambiente fisico di e scol, pero ta transforma e manera di siña

pa nos docentenan y studiantenan, a lo largo e ta transforma e comunidad di Aruba. Esaki ta good

corporate citizenship y ta mustra cu no solamente nan ta lidera den acuerdonan empresarial pero ta

mustra nos con pa transforma bida di hende”, di acuerdo cu Minister Michelle Hooyboer-Winklaar.

Tecnologia ta biba den e mundo di e mucha y no ta tur mucha por yega na tecnologia pa beneficia di

dje y awo cu e tecnologia ta yega cerca nan, esaki sigur lo yuda den nan desaroyo, Minister Michelle

Hooyboer-Winklaar a sigui splica.

“Comunidad di Colaboracion” y e proyecto di Samsung Smartschool ta un bon oportunidad pa reenforsa

e estimulo di tecnologia cerca e muchanan y lo trece beneficionan hopi grandi pa e muchanan di Colegio

Bonbini. E muchanan ta mira, scucha, hunga y ta capta e muchanan atencion y esaki sigur ta yuda

cualkier mucha bay dilanti. No tur informacion ta inclui den un buki tradicional y e tecnologia ta facilita

pa busca mas informacion di biaha.

“Esaki ta e comienso, asina nos lo sigui desaroya enseñansa. E impacto lo ta bay ta grandi y positivo.

Loke nos ta bay ripara cu e muchanan ta haya mas gana di siña”. Nos ta hopi contento cu e proyecto aki

y nos ta gradici Samsung pa scoge Aruba”.

E proximo inversion ta Emma School y lo tin palabracionnan y dialogo haci cu Samsung pa expande pa

mas scol. E meta principal ta pa haci uzo di e tecnologia pa yega un dia na tur scol di Aruba.

FIN


Leave a Comment