Carpe Diem Restaurant a tene un recepcion spectacular prome cu e bruid di e pareha Sarita Btesh y Harry Tawil, di Panama.
Oranjestad – Un cantidad record di invitado, esta 560 persona, procedente di Panama, Colombia, Venezuela, Mexico, Merca y Israel, a bini hunto na Aruba pa un celebracion unico di bruid. E recepcion cu a tuma luga riba e anochi di bon bini na Carpe Diem Restaurant, banda di e awa na Oranjestad, tabata un regalo ofreci pa e omonan y tianan di Sarita, dirigi pa Laura y Max Waich.
Chef Avi Barak y su ekipo di Rimonim Servicio de Catering Panama, cual a viaha pa e isla pa e ocasion aki, tabata encarga cu tur necesidad pa cuminda special durante henter e grupo sue stadia riba e isla, na Ritz Carlton, y e cuminda durante e recepcion na Carpe Diem Restaurant a consisti di plato Hudiu tradicional, combina cu e biña di M-Series PSAGOT for di Judean Hills na Israel, unda cada botter ta haya un etiket cu ta inclui un moneda anciano cu por ser haya den e biñera su cueba unda e biñanan ta envehece.
Organisador di evento Lisi Korn Oksemberg, di Forever Events, asisti pa Brittany Peitsmeyer, a recluta un famoso DJ na Panama, kende a bula pa e isla specialmente pa e fiesta, y a entretene e invitadonan te e oranan laat di anochi.
Fransisca van Esta Tjallingii, Gerente di Carpe Diem Restaurant, ta raporta cu e famia di Btesh ta biba na Panama, sinembargo e tata di Sarita tambe ta doño di varios tienda popular na Aruba, manera Lacoste, Crocs y Juicy Lucy, y el a scohe Aruba como e destinacion pa e bruid magico di su yiu muhe stima, Sarita. E recepcion di e anochi di bon bini a tuma luga pafo di e propiedad di Ritz Carlton, banda di e awa na Oranjestad, na Carpe Diem Restaurant, cual ta legendario pa su decoracion unico y original, ademas di servicio amabel y profesional.
