Productor local Steve Andreas cu tema nobo lansa internacional


E hoben talentoso Arubiano, Stefan Bartels Daal conoci como “STEVE ANDREAS” a lansa un otro tema musical jama “SLOW” hunto cu artista nan internacional ‘Unknown Brain’ y cantantenan ‘Laurell’ y ‘Haj’

 

Unknown Brain ta un Duo DJ internacionalmente conoci for di Alemania y e cantantenan Laurell y Hai ta bini for di UK.

 

E track “SLOW” aki tambe a wordo lansa via e plataforma internacional “Spinnin’ Records” un di e dance label nan mas grandi di mundo cumpra despues pa Warner Music (USA).

 

No mucho tempo pasa riba e mesun plataforma internacional “Spinnin’ records” aki Steve Andreas a lansa hunto cu DJ CHUCKIE e cancion “Latino” te cu por scuche vía media radial y digital reconoci rond mundo. Diferente DJ renombra tanto riba nivel nacional como tambe Internacional ta tocando y support “Latino”. DJ nan manera David Guetta, Hardwell, Sunnery James & Ryan Marciano, Kriss Kross y mucho mas!

 

Steve Andreas ta bou maneho di Elite Empire Entertainment y ta firma cu Music All Stars publishing Spinnin’ Records. Mester menciona e mesun label cu Afro Bros tambe ta forma parti di dje y mucho mas.

 

Pa e mercado local tambe a caba di lansa un cancion hunto cu Jeon, Issa Beach y TY cu yama “Spula Krijt”.

Por sigui Steve Andreas riba tur su canalnan di social media, pa tur informacion di su bookings, releases y mas musica!

 

Ta spera cu e publico ricibi e cancion nan aki den bon forma.

 

“Music is Life”