PRIJS SPECIAL DIASABRA AWOR PA ISLAND TAKEOVER CU E ‘JEON SPECIAL’ NA SETAR STORE


Despues cu a anuncia e nombernan grandi manera UB40, SECH, LUNAY, ALEX SENSATION y otronan Aruba completo a drenta un entusiasmo grandi. Esaki ta pa e di dos Island Takeover festival cu lo ta for di dia 30 di october pa 3 di november 2019 na Aruba. Pa celebra esaki Setar NV hunto cu Jeon lo tin un oportunidad unico pa e publico por cumpra su ticket sea general of VIP na un prijs special diasabra awor dia 7 di september 2019. Un cantidad limita lo tin disponibel for di 10:30 di mainta.

Ta trata aki di e prome entradanan di e festival cual lo disponibel unicamente na Setar Store (Caya Betico Croes). Ta importante pa informa cu lo tin un limite di 2 ticket pa persona. Aña pasa no a dura mucho pa e carchinan a caba, pues ta conseha tur hende pa tey trempan.

 

E prijs special aki ta un regalo exclusivo di JEON pa henter e comunidad di Aruba cu ta sigui sostene durante henter e aña cu a pasa.

E prijs di e entrada general lo ta di 70 florin y VIP lo ta 200 florin. Cu e VIP ticket aki bo lo ta ful dilanti di e escenario y ta dunabo acceso na tur e otro dianan cu lo tin evento. Esaki ta inclui e.o Pool Party, Block Party y Closing Party.

 

Pa esnan den exterior ainda tin algun di e Jeon Special tickets disponibel riba internet via www.islandtakeover.com

Island Takeover ta un presentacion di Aruba Tourism Authority, Aruba Trading Company y SETAR NV como patronisadornan y un danki na e partnernan Marriott Hotel, The Ritz Carlton, Holiday Inn, The Mill Resorts, Hyatt Regency Hotel, Aruba Renaissance Hotel, Divi Resorts,  Barceló, Eagle Resort, Atech , Funmiles, EF, Elite Productions y Amigo Car Rental.

Pa mas informacion por bishita www.islandtakeover.com of https://www.facebook.com/islandtakeover/