mastercard priceless

Priceless Aruba 2014 a celebra un gran cooperacion cu e isla y e comunidad comercial


Un recepcion elegante na Windows on Aruba, Divi Links, a marca e expansion di e programa di Priceless Aruba. Lansa solamente shete luna pasa, cu e participacion activo di mas o menos 40 comerciante riba e isla, e programa, cu hopi exito, ta sigui presenta tremendo ofertanan y experiencianan di balor incalculabel akinan. Aruba awo ta den un grupo di mas di 100 otro ciudad rond di mundo, incluyendo destinacionnan prestigioso manera e Bahamas, New York y Londres, cu ofertanan exclusivo. Oportunadamente, cu e crecemento stabil di e programa, awo e ta wordo ofreci na un total di 75 compania local, ofreciendo actividadnan, luga di huur pa vakantie, huur di auto, acomodacionnan, comemento y compras. Pa por probecha di e ofertanan exclusivo for di e grupo selectivo di comerciante, esnan cu ta posee un MasterCard ta wordo pidi pa presenta un “Carchi di Oferta Exclusivo” cu nan por saca di un guia y mapa util cu a wordo crea y imprimi pa MasterCard, y ta obtenibel na tur comerciante participante riba e isla. Bishita facebook.com/mastercardpricelessaruba pa haya sa mas tocante e programa y pa obtene e lista di comerciante participante. Pa yuda e re-lansamento di e programa excitante riba e isla, y marcando su crecemento considerabel, Sebastian Barletta, Vice Presidente, Hefe di Teritorio pa Oost Caribe, y Lorena Holguin, Vice Presidente di Mercado, Mercadeo di Caribe, a bin Aruba pa personalmente conoce y papia cu e comerciantenan participante, ademas di bankeronan, participante y partnernan di e Aruba Tourism Authority, incluyendo CEO Ronella Tjin Asjoe Croes y miembronan di nos prensa local. E recepcion na Windows On Aruba na Divi Links a sirbi un sin fin di cocktail y hors d’oeuvres, incluyendo lobster bisque, lomito prepara riba grill y pisca fresco, terminando cu Windows on Aruba su trio sensacional di pasaboca signatura. E fiesta a conta cu entretenimento di e violinista Angela Flores y cantante Amy Sorini. Aki por mira algun momento inolvidabel durante e evento di Priceless Aruba 2014.