REX Photography Aruba riba e front page di e revista “BeattOn”di Detroit


Recientemente Rex Photography y Rex Aruba a haya un reconocimento na Frankfurt, Alemania. Esaki ta e premio “International Arch of Europe Award” 2014.
Reynaldo Ponson, creador di e concepto aki a duna di conoce, cu e hunto cu casa, Yamilet Gutierrez ta masha orguyoso di por a wordo reconoci cu e premio aki. Esaki tabata un experiencia inolvidable
Rex Aruba a haya reconocimento internacional unda diferente compania rond mundo ta wordo selecta como e mihornan den diferente categoria.
E Compania di Rex Photography nan a keda sorprendi cu nan a wordo reconoci locual tabata nifica un bon oportunidad pa pone e nomber di Aruba na halto.
Akinan na Aruba, nan a busca sponsor y nan a haya sosten di Setar. ATA tambe a colabora cu algun souvenir pa asina por a hiba y entrega na e alto ehecutivonan na Alemania.
E reconocimento cu Rex Photography a haya ta basa den e calidad di e producto. E categoria cu nan a wordo reconoci ta esun di “Excelencia y Calidad” den e area di entretenimento
Diferente experto a haci un investigacion den cada pais y nan ta duna nan veredicto.Setenta y dos empresario di diferente pais a haya chens di presenta nan compania y eynan tabata e momento cu nan a haya oportunidad pa papia di Aruba.
Constantemente Rex Aruba tin cosnan nobo y no ta algo manera un pagina gewoon di entretenimento.rexaruba.com tin un variacion grandi di medio di comunicación den su Pagina.
E ceremonia di premiacion a tuma lugar na April ultimo y awor recientemente Rex Aruba a haya e sorpresa cu nan ta riba e front page di e revista “BeattOn” cual ta di Detroit y cu ta haci un compilacion di e companianan cu a haya reconocimento.
E cobertura tabata basta amplio y esaki ta loke a keda demostra riba e potretnan adhunto. Hopi pabien cu e bunita reconocimento aki y pa e bon trabao haci pa Aruba.