Parlamento Hubenil ta haci un yamado na tur su ex- miembronan!


Fundacion Parlamento Hubenil Aruba conhuntamente cu Stagiaire di Universidad di Aruba,

Keyla Rojas ta den pleno proceso di e realisacion di un investigacion pa mira e effectividad

cu Parlamento Hubenil tabata tin den e bida di e miembronan di Parlamento Hubenil. Staff di

Parlamento Hubenil ta haci un yamado na tur miembro actual y miembronan di pasado pa

participa den e encuesta aki.

Pa participa den e investigacion aki por mail surveyph2014@gmail.com of por busca nos riba

facebook (Youth Parliament Aruba) unda cu e link di e survey lo ta disponibel. Ta di remarca

cu e survey lo ta uno electronico, cu lo tin di wordo haci online.

Cu mas di 10 aña di existencia, Parlamento Hubenil ta sigui contribui na e formacion di

hobennan conciente di locual ta pasa riba nos pais, activo den comunidad y cu ta tuma accion

pa trece cambionan dilanti. Pa evalua y midi e progreso di nos servicio y e desaroyo di nos

miembronan, ex miembronan y ereleden den e ultimo 10 aña, Parlamento Hubenil ta pidi

cooperacion pa participa den e encuesta aki.

E meta di e encuesta ta pa determina e impacto di e trayectora di Parlamento Hubenil tin riba

su miembronan (personal y profesional); Midi e calidad di e servicio cu Parlamento Hubenil a

brinda na su miembronan y ex-miembronan; Determina e abilidanan y cualidadnan cu

miembronan a desaroya durante su trayectoria den Parlamento Hubenil.

Pa mas informacion tocante e encuesta of di Parlamento Hubenil en general por tuma

contacto cu oficina di Parlamento Hubenil na 588-6860 of 583-8856 of mail

surveyph2014@gmail.com, youthparliamentaruba@gmail.com


Leave a Comment