la cabana5

Parke Acuatico Arawa a entretene asociadonan di La Cabana Beach Resort & Casino pa un Dia di Famia


Parke Acuatico Arawa na Moko a entretene e famia extendi di La Cabana Beach Resort & Casino pa un Dia di Famia spectacular. Asociadonan y nan miembronan di famia di tur edad a disfruta di landamento, wega y e slipnan di awa, refrescando nan mes den e awanan frieu pa asina haya un tiki alivio di e temperaturanan halto riba nos isla. Parke Acuatico Arawa, situa na Moko, ta inclui un bunita piscina di forma liber, un formacion di piedra y masha hopi sombra, cu stulnan di lounge y cabana cu tabata habri pa e uso exclusivo di e resort y e empleadonan cu den nan turno no a perde un momento pa bula den e piscina di awa refrescante. E asociadonan di La Cabana Beach Resort & Casino a disfruta di un dia spectacular, specialmente e muchanan, kendenan na e momentonan aki ta disfrutando di nan vakantie di zomer, pasando momentonan dushi hunto cu nan mayornan cu a disfruta di nan dia liber. Aki por mira, organisa pa e Comision Social, e Departamento di Actividad y e Departamento di Recursonan Humano, un dia yena cu harimento y alegria na Parke Acuatico Arawa.