Oranje Fonds ta start buskeda pa Appeltjes van Oranje 2020


Oranje Fonds ta start awe cu su buskeda na proyectonan excepcional cu por tin chens pa gana un  Appeltje van Oranje 2020. E tema di e aña aki ta ‘Amigo bo ta hunto’ y e premionan ta toca proyectonan amigo; proyectonan den cual hende ta yuda otro bay dilanti y ta keda sostene otro pa tempo mas largo. Bo por registra te cu 6 di october 2019 pa medio di oranjefonds.nl/appeltjes. Tres initiativa lo ricibi den luna di mei 2020 un Appeltje van Oranje for di man di Reina Máxima.

 

Den Reino tin hopi hende cu pa un motibo of otro, por uza un yudansa. Pa e motibo aki,  boluntarionan cu kier bira nan amigo y kier yuda, ta indispensabel. Afortunadamente tin hopi proyecto cu riba tur sorto di tereno, ta trece tur sorto di hende hunto: hende cu ta malo y/of solitario, hende cu despues di un periodo duro tin problema pa sigui cu nan bida, of esnan cu mester di guia personal pa siña nos idioma of pa desaroya nan talentonan. Caracteristica di e proyectonan aki ta cu ambos amigo ta enrikece bida di otro.

 

Como Oranje Fonds nos kier demostra e versatilidad y nos kier balora e proyectonan di mas bunita cu un premio. Pasobra amigo bo ta hunto: ya cu hunto bo ta yega mas leu. Hunto nos ta haci nos pais un tiki mas bunita. Pa e motibonan aki nos ta busca e motornan tras di proyectonan social exitoso, cu nan enfoke amigo, nan forsa inovativo y pasion tin un storia hopi special pa conta con nan ta contribui na un comunidad mas social. Ken ta miho den mara amigo na otro, unda ambos ta satisfecho pa coopera di modo cu riba termino largo ainda ta bal hopi pa otro?

 

Amigo

Peter Douwes, director di Oranje Fonds: “Pa añanan largo nos ta sostene proyectonan den cual amigonan ta balora e reprocidad di nan contact enormemente. Boluntarionan ta registra mayoria bes pasobra nan kier duna sosten na un prohimo. Practica ta keda mustra cada bes atrobe cu nan mes tambe ta siña hopi di esaki y tin enorme placer den locual nan ta haci. E sintimento di un pa otro ta haci e enfoke amigo aki asina exitoso. Asina nos ta traha hunto na un sociedad na cual tur hende por participa.”

 

E premionan

Cada aña ta haci entrega di Appeltjes van Oranje na tres iniciativa cu na un manera exitoso ta trece diferente grupo di hende hunto of cu ta percura cu hende por participa atrobe den sociedad. Tur ganador di un Appeltje van Oranje ta ricibi un statua di brons, crea pa Princes Beatrix, y un suma di placa di 15.000 euro. Tur aña Reina Máxima ta haci entrega di e premionan. Den añanan di aniversario, esaki ta keda efectua pa Rey Willem-Alexander.

 

Oranje Fonds

Oranje Fonds ta boga pa niun hende no sinti nan mes exclui y pa tur hende por participa den comunidad. Pesey e ta sostene tur aña miles di proyecto cu ta trece hende hunto. E sosten ey ta consisti di efectivo, atencion y conseho. Rey Willem-Alexander y Reina Máxima ta pareha protector di Oranje Fonds.