Orange Grove ta bolbe bek na Aruba pa un concierto gratis !


E  banda origina di St. Maarten, Orange Grove, cu actualmente ta tocando

na festivalnan na Europa hunto cu por ehemplo e famoso DJ Bob Sinclair, ta tour Caribe y lo duna un

concierto gratis e diasabra aki, 21 di Juni, na South Beach Lounge.

 

Orange Grove ta gusta bini Aruba, e 5 musiconan ta bishita nos pais cada aña durante e ‘ Isla Concert’ cu

Vibration PR ta organisa pa promove artistanan Caribense na Aruba. Aña pasa 900 hende a scucha nan

toca na Sand Bar hunto cu Levi Silvanie y Punky Donch y na Juli hunto cu Patrick Graham y Datapanik.

Nan cantica di exito, Living Easy a haya masha hopi acogida na Aruba bek na 2009 y aworaki e banda tin

nan cantica nobo Ready for it, remixed door di e Frances Bob Sinclair, y haciendo un furia den e music

charts Europeo.

 

Cantante principal Michael Maidwell y su bon amigo guitarista Jacob Streefkerk a forma e banda den

2001. Lo cual a cuminsa como un grupo di Hip Hop a desaroya den un di zonidonan mas unico di Caribe,

combinando Rock, Hip Hop y Reggea. Pa mas cu 10 aña nan a continua di amplia nan fanbase di Caribe

pa Europa y Merca, cu e unico meta pa brinda e mundo nan ‘feel-good vibes’.

 

E ‘Isla Concert’ lo tuma luga e diasabra proximo dia 21 di Juni cuminsando 8:00, pero South Beach lo

habri su portanan pa tur wega di FIFA durante dia. Guest performances di DJ Selekt y DJ Ralph. Entrada

ta gratis pero VIP mesanan por wordo reserva door di contact Vibration PR na 5932880 of Jane PR + na

5971709. Pa mas informacion por fabor bishita e pagina di Facebook: Orange Grove @ South Beach

Lounge Aruba. E ‘Isla Concert ta wordo gesponsor door di Vibration PR, Avis, La Cabana, Balashi y Jane