E interes pa e di 4 e-Aruba Business Seminar ta hopi halto mirando cu lo tin presencia di e.o oradornan international di e.o e companianan di tecnologia Google y YouTube. Esaki lo tuma lugar diasabra 8 di juni 2019 na Renaissance Convention Center Aruba. Organisadornan mester a negocia hopi largo pa por a convence e oradornan aki pa ta presente pa asina comparti nan conocemento cu e publico cu lo atende e seminario. E enfoke lo ta pa papia riba mercadeo, innovacion y entrepreneurship en general.
Di e compania Google, Maciej Szczepaniak lo ta na Aruba for di New York. Maciej su posicion na Google ta Global Strategy & Commercialization. Tambe e ta un consehero pa diferente statup exitoso. Su carera den mercadeo ta data di mas di 10 aña trahando den diferente Mercado na Europa, Canada y awor Merca. Su trabou como consehero di startups ta dedica riba yuda compania cu nan transformacion digital. E ta haya un placer grandi den mentor hendenan y companianan.
Un di e otro oradornan ta Saina Shelton. Saina tambe ta biba na New York y ta un expert den YouTube y a traha na YouTube pa mas di 10 aña como ‘Global Lead Google Brands on YouTube’. Algun luna pasa Saina tambe a cuminsa su mesun negoshi ‘Insights Augmented’. Sainta tambe ta un guru den mercadeo digital pero cu un focus riba Video Marketing y tambe Influencer Marketing. Cu e parti di video por pensa riba strategianan con pa haya mas ‘subscribers’, pa incrementa e ‘minutes watched’ pues pa hendenan mira bo videonan mas largo, y otro areanan pa ta mas exitoso riba YouTube. Youtube ta e di dos ‘search engine’ mas usa riba Google. Esaki ta nifica cu e ta essencial pa tin un bon presencia riba YouTube.
Influencer Marketing ta un ‘trending topic’ mirando cu e industria lo tin un balor di mas di 5 Billion USD Dollar den aña 2020. Por mira tanto localmente como internacionalmente diferente marca ta usa figuranan conoci pa representa nan riba rednan digital. Saino lo duna un guia tambe riba con por usa e tipo di mercadeo aki.
Ademas di e oradornan aki tambe lo tin mas oradornan internacional y local.
Ya caba por mira un interes grandi di companianan pero tambe di individualnan cu kier mehora nan mes riba e diferente topiconan di mercadeo cu lo wordo discuti . Pa cumpra carchi por hasi esaki na Super Food y tambe riba internet via e website www.e-aruba.com .
E-Aruba Business Seminar ta un produccion di Infinity Media Aruba y The Lab. E evento ta Powered by Aruba Bank y Digicel Business Solutions cu un aporte di Aruba Airport Authority, Renaissance Aruba Resort, Coldwell Banker Aruba Realty, BENU Pharmacy, Click Print, Sommer Web Architect y Elite Productions.
