Ofreci pa Romar Trading Chef Ruth van Waerbeek ta impresiona amantenan di cuminda y biña na Hadicurari Restaurant

Romar Trading tabatin e honor di por presenta un di e top chefnan di Chile, Ruth Van Waerbeek, kende ta e Chef Ehecutivo di Concha Y Toro Winery, na amantenan local di cuminda y biña. E chef celebridad a bishita Aruba durante su viahe rond di mundo pa promove e biñero su coleccion estelar di biña. E grupo elegante di amante di cuminda y biña, kendenan a congrega na Hadicurari Restaurant, a disfruta di un oportunidad unico pa celebra nan pasion pa e cosnan mas dushi den bida, mientras cu algun di e miho biñanan di Chile a wordo sirbi riba e anochi aki. Chef Ruth a deleita esnan presente cu su cushinamento. Algun di e recetanan el a haya for di su mama, wela y te hasta bisawela, ora cu e tabata biba na Belgica como un mucha, lantando rondona pa un tradicion rico di cushinamento na cas. E recetanan original sinembargo a wordo modifica pa refleha e pais nobo unda e ta biba y traha, esta Chile. E chef tabata sosteni pa e brigada culinario di Aruba Wine & Dine, cu Chef Ehecutivo Ronald van Hasenbroek y restaurant chef Alwin Van Belzen, ademas di e ekipo di dining room talentoso y dedica. Participantenan a wordo presenta cu un bebida di bon bini, Casillero del Diablo Brut 2010, combina cu un hors-d’oeuvre, esta tiradito di salmou cu pomelo y coco pica; e prome plato tabata lobster al olivo cu salada di beet causa, combina cu un Casillero del Diablo Sauvignon Blanc 2013; e di dos plato, un clasico Chileno, esta parmesan crusted scallops fresco riba un cama di berdura aromatico, cual a combina bon cu e famoso Amelia Chardonnay 2011; e di tres plato, un risotto di quinoa cu un mescla di mushroom, biña di Carmenère y un keshi di cabrito madura, a wordo sigui pa Marques de Casa Concha Merlot 2010, y e plato principal tan anticipa di Filet Mignon prepara riba grill den 3-pimienta adobo, cu berdura fresco y e miho salsa di chimichurri den existencia, cual a disfruta di e combinacion cu un Don Melchor 2007. Pa e pasaboca, un excelente semi-freddo di lúcuma, un fruta Chileno unico, manjar y meringues, cu red berry coulis, a smaak delicioso cu e Late Harvest Concha y Toro 2009. E anochi memorabel na Hadicurari restaurant a wordo haci miho ainda danki na e servicio atento y Chef Ruth su comentario carismatico prome y despues di e cena, promoviendo su marca y su liñanan iconico cu ta score mas halto. E co-anfitrion di e anochi, Artista di Biña Clive Faustin, ta raporta cu e chef tin un historia sumamente largo como un Chef Internacional, y el a participa den varios evento bon conoci, incluyendo algun evento sumamente exitoso cu a tuma luga den pasado riba e isla.