Diabierna anochi dos hoben Arubiano cu talento excepcional lo lansa nan prome produccion internacional hunto for di centro di Oranjestad pa mundo henter! E produccion aki, cu ta wordo lansa den un evento cuminsando pa 9’or di anochi na Local Store, ta conta cu participacion di MC Roga pa loke ta e “vocals”. Esaki ta “history in the making” pa un di nos DJnan local cu mas ta destaca!
Eldrick Boekhoudt (Nutzbeatz), naci na Aruba, a crece y bira e DJ di musica electronico mas grandi den Caribe Hulandes, cu varios presentacion haci den paisnan Latino Americano (specialmente Venezuela), na Merca, Corsou, Chile, Boneiro, y mas.
Na aña 2013 el a firma cu Dirty Dutch y awor ta forma parti integral di e grupo aki, haciendo presentacion den region Latino Americano. Ya caba el a toca cu DJ nan grandi manera DJ Chuckie, Sunnery James, Ryan Marciano, Nero, Erick Morillo, Hardwell, Fatboy Slim, Dimitri Vegas, Sidney Samson, Afrojack, Shermanology, Nicky Romero y asina por sigui menciona. Tambe el a toca entre algun di e grandinan di musica electronico na Mystery Land na Chile y Electric Festival na Aruba, entre otro.
E aña aki ta priminti di bira un otro aña espectacular, unda cu pa su prome produccion internacional Nutzbeatz a traha hunto cu SMB (Stefan Bartels Daal) y MC Roga (Rogier Kock) pa presenta: Let’s Get Nutz.
Stefan Bartels-Daal (SMB) aña pasa a añadi “electronic dance music” na su repertorio di produccion y a produci diferente track, pero tambe a DJ na diferente evento manera Renaissance Resort Day of Discovery 2013, Electric Festival na Aruba y varios club na Aruba. SMB ta conoci pa su produccionnan di musica “zouk” y di carnaval, cu el a produci pa diferente artista conoci na Aruba y na Hulanda.
Den e mundo di DJ, pa haya acogida y reconocimento riba nivel internacional ta esencial pa presenta produccionnan original y cu “Let’s Get Nutz”, Nutzbeatz, SMB y MC Roga ta tuma e siguiente paso den nan trayectorio musical.
E “lineup” pa e launching di diabierna anochi, cuminsando pa 9’or ta: Yeimy, Stickysoundz, DJ Myron Kelly, Karixon y special guest DJ for di Hulanda Fellow, ademas di Nutzbeatz.
Nutzbeatz ta manda palabra di gradicimento na su famia, Nutzcrew, na su amigonan, e team di I Love Muzika – Maurice y Karim Neme, Theo Sanders, Darren van Ommeren y Davina Mansur, y Dirty Dutch – DJ Chuckie, Ryan Narain y Toine van der Donk pa nan confiansa. Tambe ta gradici tur nan patrocinadonan, e main sponsor di Nutzbeatz cual ta SETAR NV i ademas colaboradornan Local Store, I Love Aruba, The Tropical Bottling Company, Aruba Bank, Aruba Tourism Authority, Gobierno di Aruba, AAA NV, Romar Trading, Tera Group – Patrick Paskel, Elite Productions specialmente na Krish Mahtani, Bang Aruba, Ritmo Radio Show (Dj Yeimy) , Mc Samil, tur DJ local y radio locutornan di e diferente stacionnan di radio aki na Aruba i internationalmente.
E gradicimento di mas grandi ta bay pa nos FANSNAN cu di comienso ta support i apoya nos, cual ta duna nos e animo pa sigi pa dilanti.
