Encabesa pa e Departamentonan di Housekeeping y Engineering, Dia di Tera a wordo conmemora na La Cabana Beach Resort & Casino cu un limpiesa durante e oranan di mainta.
Cuminsando pa 8’or di mainta riba diamars, miembronan di Housekeeping y Engineering a bishita Eagle Beach pa haci limpi e areanan di hardin y banda di lama. Na momento cu nan a yega bek di nan mision pa haci e area limpi, nan a encontra un banner colga for di e terras di e di tres piso, unda tabata skirbi “Happy Sweet 16 Kara”, cual a inspira e housekeeper pa grita Kara su nomber, pa asina e hoben sali riba e terras, unda nan a canta y bati mas p’e, cantando e cantica di Happy Birthday.
Aki por mira e housekeepers y miembronan di ingenieria durante nan mision riba diamars mainta.
