Siegfried Fingal a gana e mega Bingo Jackpot Progresivo di AWG 53.044,89!

The Casino na Radisson a caba di paga un jackpot gigantesco di $53.044.89 na un di su bishitantenan local cu tabatin hopi suerte. Siegfried Fingal

Exposicion di arte na biblioteca “MI ARTE MI PASION II”

Den sala di exposicion di diamars 11 di November pa diabierna 21 di November tin un exposicion special, habri pa un y tur. Esaki ta

E International Supplier Exhibition na Banjolux a atrae un publico grandi y interesa Oranjestad – Siguiendo e exito di aña pasa, e di dos International Supplier Exhibition 2014 anual, den e showroom di Banjolux na Schotlandstraat, Eagle, a trece hunto un representacion solido di e isla su top contratistanan, architectonan, ingenieronan civil y ingenieronan hefe di e resortnan, kendenan a conoce y papia cu e specialistanan cu tabata di bishita, representando e top productornan di tegel y companianan di diseño di baño na mundo. E bishitantenan a introduci productonan nobo y inovacionnan actual di marcanan global manera Villeroy & Boch, Keuco, Geberit, Ceramica Saint’Agostino, y Florim, demostrando creatividad y ideanan fresco na e mercado Arubiano. Dos di e bishitantenan, Constantin Von Boch, Vice Presidente di Benta & Mercadeo di e Bath & Wellness Division, Villeroy & Boch y David Krakoff, Presidente di e Americas Sales Division di TOTO USA, a raporta cu nan dos companianan di clase mundial a traha hunto den e ultimo añanan aki pa hunto produci e miho baño posibel, un zona di zen, ofreciendo comfortabilidad y relahacion, cu un funcionalidad mehora y miho clase di diseño. Tur dos di e companianan, motiva door di e deseo pa mehora tur hende su calidad di bida, ta dedica na conservacion global y ta comparti un vision di responsabilidad pa cu e medio ambiente. Mientras cu nan a disfruta di cocktails y hors d’hoeuvres sirbi pa varios butler, e bishitantenan no por a stop di papia di e toiletnan nobo di TOTO cu nan washlets, ofreciendo dryers higienico di aire, purificadornan di aire, flushing automatico cu remote control, y un bril patenta cu “softclose”, cual ta diseña pa baha e bril di e toilet na un manera suave y keto. Companianan di Merca, Alemania y Italia a conoce y papia cu e profesionalnan local, educando nan riba tecnologianan nobo y presentando nan cu un sin fin di posibilidad pa proyectonan comercial y residencial local, den un ambiente anima di fiesta di cocktail. Aki por mira e ekipo di Banjolux cu nan bishitantenan. Banjolux, e specialista lider di baño y tegel na Aruba, ta operando riba e isla desde 1997. E compania ta encurasha companianan y sernan individual pa descubri nan mesun gustonan unico den su showroom. Miembronan di gerencia di Banjolux tabata orguyoso di por a ofece un evento asina inspiracional y nan no por a anticipa un miho presencia di e publico. Tanto e companianan representa como e profesionalnan di e isla cu a bishita e evento ya caba ta mirando dilanti pa e evento di otro aña.