Mayan mainta, EPB San Nicolas lo tin un Open Dag organisa specialmente pa studiante di scol basico (y maestronan) cu lo cuminsa bishita EPB San Nicolas na aña escolar 2016-2017 y e studiante nan cu ainda tin duda riba nan escogencia entre Mavo y EPB.
E studiantenan lo tin e oportunidad pa mira cu tin posibilidad pa sigui studia na EPB San Nicolas, tur locual EPB San Nicolas tin di ofrece y con bon ekipa e scol ta pa asina provee un bon preparacion di profesion basico.
EPB San Nicolas a percura pa e studiantenan di e scolnan basico wordo transporta cu bus di nan scol pa EPB San Nicolas pa asina participa den e rondleiding den diferente sector di scol pa siña un poco tocante entre otro; Startjaar, Commercio, Economia, Electro y Cushina.
Boso ta cordialmente invita pa bishita EPB San Nicolas mayan dia 18 di Februai 2016 (diahuebs) di 8or di mainta pa 10.30 di mainta.
E team di EPB San Nicolas ta spera boso y lo percura pa manda e relato completo pa asina e por wordo publica hunto cu boso imagennan di e Open Dag.
Adhunto mi ta manda screenshorts di google map di EPB San Nicolas y di e address y number di telefon central.
Masha danki di antemano pa e cooperacion.
