Mary Joan Foundation (MJF) ta presenta Pink Voices 2


Mary Joan Foundation dia 22 di november proximo ta bay organisa su segundo Song Festival

cual lo tuma lugar na Centro di Bario Caiquetio. MJF ta conoci pa organisa actividadnan

deportivo y social pa su clientenan kende a pasa of ta pasando den e enfermedad di Cancer na

pecho. MJF ta organisa e tipo di actividadnan aki pa mustra cu bida ta sigui cu oportunidadnan

alegre y postitivo y no mester enfrenta Cancer na Pecho Bo so! E aña aki nos ta bai habri e

participacion pa tur tipo di cancer. Pa inscribi por tuma contacto cu officinal di fundacion na

588-9999.

Sr. Danny Koolman no a duda pa duna di su talento pa e actividad aki y lo bay acompaña “The

Pink Voices”. Un persona cu no ta un desconoci den e comunidad musical y kende ta duna

sosten na diferente otro bandanan grandi na Aruba. E gesto mas bunita di Sr. Koolman ta, cu pa

e anochi aki lo cambia e nomber di e banda pa “The Mary Joan Band”.

Algo cu ta totalmente diferente di “The Pink Voices” cu otro festival di canto ta, cu aki cada

participante lo tin un “Coach” personal. Fundacion ta hopi agradecido na e team di artistanan

renombra den nos comunidad cu lo bay entrena e participante pa asina e por duna lo maximo

riba escenario.