Maria Goretti College ta titula Campeon den futbol categoria B-mucha homber


Dialuna atardi a tuma lugar e weganan di final nacional den futbol di ‘Deporte Escolar’, cu a

wordo organisa pa Instituto Biba Saludabel y Activo, IBiSA. E competencia escolar tabata den

categoria B-mucha homber y e schoolnan basico a presenta cu nan ekipo pa representa nan

school cu a clasifica pa e final nacional. Tur wega tabata interesante y e publico por a sinta

trankil y disfruta di e tremendo weganan.

E prome wega di atardi a bay entre Maria Goretti College y Colegio Conrado Coronel. Esaki a

resulta den un wega hopi emocionante, unda ambos school a bataya te na final pa logra e victoria

cu lo duna nan e pase pa e wega pa campeon. Maria Goretti College a sa di demostra nan

abilidad y cu tremendo animo a defende e nomber di nan school. Nan ta logra anota un gol y ta

gana e wega cu score di 1 pa 0. E gol a wordo anota pa Milan Ackermans.

Pa hunga e di dos wega ta subi tereno e ekipo di Mon Plaisir School y esun di Colegio San Hose.

E muchanan di Mon Plaisir School ta subi tereno decidido y den un forma convincente ta gana e

wega cu score di 2-0. E golnan a wordo anota pa Jose Daniel Sophia y Inthazar Bastien. Cu e

resultado aki a bira conoci cu Maria Goretti College y Mon Plaisir School ta e schoolnan cu ta

bay bataya pa e titulo di campeon den futbol categoria B-mucha homber.

Wega pa di tres lugar:

E di tres wega di atardi tabata pa defini e di tres lugar den e competencia di futbol escolar. Aki a

midi forsa e ekiponan di Colegio Conrado Coronel y Colegio San Hose. E wega aki tabata

sumamente emocionante y e ekipo di Colegio San Hose ta gana na final cu e score di 2 pa 1. E

golnan di Colegio San Hose a wordo anota pa Emmanuel Carrena y Lordkaan Sanchez, mientras

cu e gol di Colegio Conrado Coronel a wordo anota pa Juan Villaraga.

Wega pa Campeon:

E ultimo wega di atardi tabata entre Maria Goretti College y Mon Plaisir school. Den un wega

rapido Maria Goretti College ta gana Mon Plaisir School cu e score di 3 pa 0. E golnan di Maria

Goretti College a wordo anota pa Denzel Hart (2) y Millan Ackermans (1). Di e forma aki Maria

Goretti College ta titula campeon den futbol categoria B-mucha homber, den e weganan organisa

pa IBiSA. Mon Plaisir School ta keda na di dos lugar y Colegio San Hose na di tres lugar. Tur

tres school ta ricibi nan respectivo medaya, mientras cu e Copa Rotativo di Campeon na Maria

Goretti College a keda entrega door di Directora di IBiSA, sra. Monique van Embden.

IBiSA ta sumamente contento cu resultado di e actividad y ta gradici tur school cu a participa y

specialmente e ganadornan cu a sa di duna tur di nan banda pa logra clasifica. Un pabien ta bay