aruba

Manicurista profesional Gabriela Salas cu demostracion special na Aruba


Pintamento di huña cu colornan nobo, aplicando diseñonan moderno ta masha na moda ultimo añanan na Aruba. Den e cuadro aki, Oduber Agencies, agente di e producto Sally Hansen, ta orguyoso di anuncia cu e manicurista profesional Gabriela Salas ta na Aruba pa comparti lo ultimo den e “trend” di manicure cu tur esunnan interesa. Lo tin un demostracion publico diahuebs 12 di juni na Botica Paradera entre 10or di mainta y 1’or di merdia y na Botica Aloe for di 3or di atardi pa 6or di atardi. Diabierna 13 di juni e lo ta na DA Drogisterij for di 10or di mainta pa 1or di merdia y entre 3or y 6or di atardi e lo ta na Super Food. Gariela Salas di 36 aña di edad ta procedente di Mexico y ta un makiyista profesional cu 8 aña di

experiencia. Tambe e ta un manicurista profesional, cu specialisacion den cuido di huñanan natural, cu 12 aña di experiencia. El a bira masha popular pa ta makiya artistanan cu ta sali den revistanan manera Vanidades, Women Health, Marie Claire, In Style, Cosmopolitan y mas.

Desde aña 2005, Gabriela Salas ta responsabel pa capacitacion di e distribuidornan internacional di Sally Hansen pa Latino America y Caribe.
Durante e sesionnan aki, e manicurista profesional lo duna guia na tur cu ta interesa den e ultimo modelonan di manicure. Tambe lo diagnostica e salud di huña, en especial enfatisando e importancia pa conoce bo huña y sa dicon e ta kibra. E productonan Sally Hansen ta specialisa pa endurece e huña.

Tambe lo pinta huña gratis y percura pa descuento special riba productonan di Sally Hansen cu ta un producto cu no ta mancha e huña. Claro cu, manera semper, Oduber Agencies lo tin un cantidad di sorpresa mas pa tur cliente.


Leave a Comment