E cantica famoso “Old Town Road” di Lil Nas X featuring Billy Ray Cyrus ta oficialmente drenta e di 15 siman riba e prome puesto di Billboard Hot 100. Cu e logro aki e ta surpasa entre otro “Uptown Funk” di Mark Ronson featuring Bruno Mars, cual a logra keda riba e prome puesto pa 14 siman na 2015.
Bruno Mars no ta tristo ni rabia. Ela subi riba Twitter diamars 16 di juli pa felicita e rapper cu su logro. Ela scirbi “Congrats @LilNasX! That’s awesome” hunto cu e emoji di 2 glas di champagne.
Lil Nas X a responde: “bruno can we tell them about your remix now bro” na unda e ta hint na un colaboracion entre nan dos, probablemente como chansa, aunke cu nada no ta confirma.
“Old Town Road” a pasa tambe The Black Eyed Peas “I Gotta Feeling”, Mariah Carey “We Belong Together”, Elton John “Candle in the Wind 1997/Something About the Way You Look Tonight”, Los Del Rio “Macarena (Bayside Boys Mix), Boyz II Men “I’ll Make Love to You” y Whitney Houston “I Will Always Love You”. Tur e cantica nan menciona tabata comparti un puesto cu 14 siman riba e prome puesto di Billboard Hot 100.
E cantica “Old Town Road” falta solamente un (1) siman pa e logra empata cu Luis Fonsi y Daddy Yankee “Despacito” featuring Justin Bieber y Mariah Carey y Boyz II Men “One Sweet Day” pa e duracion mas largo na e prome puesto di Billboard Hot 100 di all-time.
Fuente: billboard.com
