Tatanan cu ta traha na La Cabana Beach Resort & Casino a wordo malcria cu un celebracion special di atardi cual tabata yena cu futbol y coi bebe, resultando den e coronacion di e Tata di Aña, for di e Departamento di Maintenance Errol Tromp.
Tromp a ricibi su titulo di un aña durante e wega di FIFA Copa Mundial 2014 di Spaña contra Hulanda, cual a wordo transmiti den e sala di conferencia na honor di tur tata di e resort, kendenan a haya e atardi liber pa wak e accion excitante di futbol, cu pasapalo y coi bebe, rondona pa miembronan di gerencia cu ta aprecia nan masha hopi mes. Aki por mira un atardi dibertido na La Cabana Beach Resort & Casino unda cu Dia di Tata a wordo celebra al estilo comunitario.
Mientras cu casi tur asociado di e resort tabata apoyando Hulanda, y tabata bisti na orañe di pia pa cabes, Gerente General Joe Najjar a bisti e camisa di e ekipo di Spaña. Na final di e atardi, aunke cu Spaña a perde e wega, Joe no a perde fe y el a expresa su speransa pa un revancha durante e siguiente partido. Como reaccion riba esaki, Joe su asociadonan na e resort a bisa cu absolutamente no, e ekipo Hulandes lo sigui nan caminda pa victoria apesar di e fanatico di España, esta e Gerente General.
