Aruba su Steakhouse faborito na Renaissance Aruba Resort, den curason di Oranjestad, ta celebrando un union prolifico di diez aña cu e marca di Certified Angus Beef, e aña aki.
Na honor di e logro culinario aki, e restaurant a invita chef Josh Moore, Chef Ehecutivo y Partner na Volare Ristorante, na Louisville, Kentucky, pa crea un menu di tres plato cu su mesun specialidadnan, conhuntamente cu e marca tan celebra di carni Mericano, Aruba su mesun cerbes Balashi y Balashi Chill, como tambe Arion Wine Company.
Moore a bira un Embahador di Marca pa Certified Angus Beef ® recientemente, uniendo su mes na un grupo di e miho chefnan y restaurateurs rond di e isla, kendenan tur ta comprometi na sirbi e miho calidad di carni di baca.
Pa lansa e promocion relaciona cu Dia di Tata, cual a haya e titulo di “Bones & Brews Smith’s Style”, e steakhouse a organisa un evento culinario di purbamento di cuminda combina cu biña, den e cushina di Renaissance Convention Center, demostrando e talentonan di Chef Moore, e brigada culinario di L.G. Smith’s Chop & Steakhouse bou di e guia di Chef Kelvyn Garcia y John Grigg, e Director di Food & Beverage, cu e participacion di Elizabeth Wunderlich di e US Meat and Export Federation.
E publico anima den e cushina di e convention center a wordo introduci na e marca di Certified Angus Beef ® pa e gerente ehecutivo di cuenta, Maggie O’Quinn, kende a educa e miembronan di prensa invita y studiantenan di scol culinario tocante carni den su miho estado, ora e ta wordo certifica despues di a cumpli cu 10 standard di e marca. Maggie tambe a conduci un quiz dibertido, partiendo bunita premionan cortesia di Balashi, Chill y Certified Angus Beef entre e miembronan di e publico presente cu tabatin e contestanan corecto.
Bou di e wowo interesa di esnan presente, chef Moore y su brigada a prepara un tremendo surtido di purbamento pa representa e menu delicioso cu actualmente ta wordo ofreci na e restaurant.
Aki por mira e purbamento di Cold-smoked Lollipop Pork Rib Chop, cu Melon y Papaya Relish, Arugula, Parmesan Reggiano y Cracked Pepper, sirbi cu Wente Vineyard Riva Ranch Chardonnay Arroyo Seco Monterey California. Grilled Denver Ribs, Niman Ranch Lamb cu Tomato Grapefruit Marmalade, Aged Sweet Balsamic, y Micro Basil Arubiano, combina cu Edmeades Zinfandel Mendocino County California. Curry Clam Chowder, traha cu Little Neck Clams, Mirepoix, Potatoes, Bell Peppers, Clam Veloute, Basil-infused Extra Virgin Olive Oil, combina cu un Wente Vineyards Riesling Riverbank Arroyo Seco Monterey California. Esnan presente tambe a aprecia e Certified Angus Beef ® brand Porterhouse, sirbi cu Butterflied Shrimp, Woodford Reserve Bourbon, Caramelized Shallots, Veal Demi-Glace, combina cu Kendall-Jackson Pinot Noir Vintner’s Reserve, y e Certified Angus Beef ® brand Tomahawk Steak sirbi cu Garlic-Herb Compound Butter y un 25-year aged Balsamic, combina cu Murphy-Goode Cabernet Sauvignon California.
Chef Moore a deleita su publico cu storianan tocante su hubentud, mirando su welanan di ambos banda crea platonan excelente den e cushina, mirando programanan di cushinamento for di un edad hoben y trahando den e cushina full time desde e edad di 14 aña. Tambe el a comparti e storia tocante su amor pa argricultura, trahando riba su granja di 10-acre na Taylorsville, KY unda e ta cosecha berdura durante e zomer te e fin di herfst, sirbiendo su cosecha na Volare.
Disfruta di e chef su menu special na L.G. Smith’s Chop and Steakhouse for di dia 13 di Juni pa 6 di Juli, y wak pa bo laga un tiki luga pa un pasaboca, manera Tiramisu cu Lady Fingers, Espresso, Frangelico y Mascarpone; Panna Cotta, Eggless Custard, Sweet Berry Balsamico; Cherry Grappa Tart Sable Crust, Grappa Custard, Tart Cherries y Pine Nut Brittle, tur tres acompaña pa un Quady Winery Black Muscat Madera California, of e Chocolate Torte, Orchata Rum Cream, Key Lime Gelato combina cu Kendall-Jackson Late Harvest Chardonnay Monterey County.
