Kiwanis Club of Young Professionals Aruba cu e projecto anual di Christmas-In-A-Box
E anja aki pa di 6 anja consecutivo Kiwanis Club of Young Professionals Aruba ta presenta e projecto di ‘Christmas-In-A-Box’. Cu ayudo grandi di e pueblo di Aruba hunto cu diferente comerciante nan ta hasi posibel e entrega di basket na diferente famia di menos recurso den nos comunidad.
‘Christmas-In-A-Box’Box a cuminsa como un projecto chikito na unda cu tabata entrega 40 famia di menos recurso un basket cu diferente producto di primera necesidad. Segun aña nan a transcuri e cantidad di basket nan aki tambe a bin ta crece . Cu e crecemento di e cantidad di basket nan ta duna e oportunidad tambe pa yuda mas di nos muchanan y nan famia nan den necesidad den nos comunidad.
Pa di seis anja consecutivo esaki no lo ta diferente pa anja 2017. Miembro nan di KYPA hunto cu e mucha nan di K-Kids di Princes Amalia Basisschool lo ta colectando diferente comestibles, cos di hunga y tambe donacion nan effectivo na Superfood Plaza. E dia nan cu KYPA y K-Kids lo ta na Super Food ta diasabra 25 di november, diadomingo 26 di november, diasabra 2 di December y diadomingo 3 di December.
Un invitacion ta bai na pueblo di Aruba en general hunto cu tur e comerciante nan pa yuda contribui na e projecto di ‘Christmas-In-A-Box’. E por ta un producto cu ta por ehempel cuminda di bleki, aros, lechi, hariña, spam, soseishi, producto nan sanitario of locual ta desea. Un simpel acto di generosidad ta acumula y bira grandi na e momento cu hasi entrega di e basket nan aki na e famia nan den menos recurso di nos comunidad.
KYPA hunto cu K-Kids ta recorda bo pa pasa Superfood Plaza diasabra 25 di november, diadomingo 26 di november, diasabra 2 di december  y diadomingo 3 di december. Diasabra nan ta entre 10’or di mainta pa 3’or di atardi y diadomingo nan lo ta entre 10’or di mainta te cu 2’or di atardi  pa asina bo por hasi bo donacion. Ban yuda KYPA sigui yuda y duna bek na nos comunidad durante e fin di anja aki.
